هل تراجع توتو عن ضرب إيران؟!!!
عمتم مساءاً.
من كام يوم والدنيا قاعدة تضرب تقلب, وأنت
نفضت لنا, وسبتنا للأسئلة تاكلنا!!!
أية المشكلة؟ أنا مزعلك فى أية؟!!!
موضوع ضرب إيران "السوشيال ميديا"
كانت بتنزل عليه مئات الفديوهات, وإلحقوا الحرب أبتدت, وإلحقوا الضرب أبتدى, وتروح
تدور وراهم تلاقى مفيش شىء, ولعدة ساعات تلاقى كل الفديوهات إتحذفت, "ومعدناش
عارفين راسنا من رجلينا", واللى زاد وغطى "إنك إلتزمت الصمت", أية
الحكاية؟
لا أنا ما سبتكش, أنا قلت لك إنهم لو ضروبوا
إيران هتكون "ضربة حلوانى, ولا امريكانى", بس أنت مسمعتش.
ويمكن اللى قلته غاظ توتو وحب يغير الخطط, ويحولها
لضربة يحاول فيها أسقاط النظام, ولكنه تراجع فى أخر لحظة "لأسباب".
طب ليه أنت ما توقعتش ده؟
مهو اللى توقعته حتى الآن مازال هو الأحتمال
الأقوى.
يعنى أية؟
يعنى "إيران مش فنزويلا", وأى
ضربة قوية لها سيكون لها ردود أفعال شديدة الخطورة "على المنطقة ككل", ولكن
ما يهم الأمريكان "الكيان والجنود الأمريكان بالمنطقة", وكانت ستقع فيهم
خسائر فادحة.
طيب, أية الأسباب التى جعلته يتخلى عن خططه
"فى أخر لحظة"؟
أولاً: أعتراض الكيان, لأن أى رد فعل قوى
هيفشل الأنتخابات الجاية على "النتن".
ثانياً: لأن جنرالات توتو وجدوا إن ردود
أفعال إيران على ضربة قوية ستكون شديدة الخطورة "على جنودهم فى المنطقة وعلى
الكيان".
ثالثاً: لأن القوات الأمريكية فى المنطقة,
لم تكن تكفى لعمل المطلوب منها, بعد التوسع فى الخطط والأهداف.
رابعاً: ترجى زعماء خليجين لتوتو ألا يعملها
خوفاً على إشتعال الخليج.
وبالتالى تراجع توتو عن الضربة القوية لمحاولة
"تغيير النظام, وأغتيال رؤسه", وإن حدثت فى الوقت الحالى فستكون ضربة
شكلية, كما قلت فى البداية.
ده أية التقلبات الشديدة دى من القرار إلى ضده؟!!!
فعلاً, ودى عاملة مشكلة كبيرة عندنا فى
التوقعات لتصرفاته, وردود أفعاله.
عارف أية المشكلة الأساسية فى محاولة توقع أفعال
وردود أفعال توتو, أنه عشوائى, وهوائى, وغير منطقى!!!
,,,,,,,,,,,,,,,,,,,,,,,,,,,,,,,,,,,,,,,,,,,
نهايته, أنا عايز أقول لكم على حكاية صغيرة
وغريبة.
من عدة ساعات وقبل أن أكتب هذه المقالة, أنا
كتبت مقالة من أربعة صفحات "مسودة", وكانت مقالة قوية جداً وكبيرة,
وبتتكلم عن الحرب وكيف يجب أن تتصرف إيران خلالها, وعن النتائج المتوقعه لها, ولم
أكن أملك الوقت عندها لتبييضها, ونشرها على النت, لأنى كان يجب أن أخرج, وعندما
عدت بعد عدة ساعات "كان الموقف كله قد تغير 180 درجة", وكأنهم قد قرؤوا
ما كتبت "حرفياً", وبناء عليه قرروا تغيير الخطط, ولذلك لما عدت لم أبيض
المقالة الأولى, وأضطررت أن أكتب مقالة جديدة للنشر "مختلفة", لتواكب
الأحداث!!!
بصراحة أنا لا أعلم كيف حدث هذا, ولكن هنا
يوجد علامة تعجب كبيرة جداً!!!!!!!!
تفتكروا من فين حصل التسريب ؟ وكيف حدث؟!!!
على فكرة: "أنا بأعيش وحيد"!!!
عمتم مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق