البكاء على الأطلال!!!

صباح الخير.

صباح النور.

"البكاء على الأطلال" أنت تقصد أية؟ أية الحكاية؟!!!

وأزيدك من الشعر بيت: "وعلى اللبن المسكوب".

أه, ده أنت بتحكى فى "فيلم المزرعة السعيدة"؟!!!

"لا سعيدة ولا تعيسة", قف محالك.

أنت هتتقمص دور السادات؟ مالك؟ هيه المزرعة تخصك؟

"لا سادات, ولا مالك, ولا مزرعة", ما تتريقش.

تمام, هات ما عندك, وأنا هقفل بقى أهه.

أنا عايز أتكلم عن الخسائر الأمريكية فى الذخائر.

ليه ما بتتكلمش عن خسائر الحرب؟

لأنها صعبه على الحصر مع سياسة الإعتام التى تتبعها الأطراف المشاركة على الحرب.

طيب, هتجيب منين المعلومات؟

من البنتاجون نفسه, فقد أعترف أحد جنرالاتهم بنفاذ نصف مخزونهم من القذائف, وأنهم محتاجين من أربعة إلى خمسة سنين لتعويض المخزون.

"من أربعة إلى خمسة سنين لتعويض المخزون", مع الحرب؟!!!

لا, مع السلم.

يعنى أية؟

يعنى "لو أوقفوا كل الحروب وأصبحوا فى حالة من السلم لمدة "من أربعة إلى خمسة سنين يمكنهم تعويض المخزون".

لو الموضوع زى ما أنت بتقول, ده يبقى كارثة على القدرات العسكرية لأمريكا لسنين طويلة.

وعشان كدة الوضع خطير.

ليه؟

لأن حالياً "القذيفة اللى هتطلع من جيشهم, هتكون من اللحم الحى".

يعنى أية؟

يعنى أنهم حالياً واقفين على الخط الأحمر "لنفاذ المخزون", ونصف مخزونهم الباقى عندهم, هو فقط "للضروريات".

برضة يعنى أية؟

يعنى أنهم لو تخطوه, لن يصمدوا فى القتال أمام أية قوة عظمى فى المستقبل القريب.

عظمى, أو نصف عظمى؟

الأثنين.

طب, هيعملوا أية لو حد جر شكلهم؟

يبقوا يحدفوه بالطوب, ولا يستعملوا معه النبال, ولا يعاملوه "بالمودة والرحمة, ويخدوه على الجنب الحنين". يعنى من الأخر بحد أقصى "ممكن يشتموه".

للدرجة دى "الموقف سىء", والحل؟

وإحنا مالنا, مهى مش مشكلتنا.

يعنى أية؟

يعنى اللى يحضر عفريت يصرفه, يله سلام.

سلام.

,,,,,,,,,,,,,,,,,,,,,,,,,,,,,,

وهنا صمت هتموت عن الكلام.

,,,,,,,,,,,,,,,,,,,,,,

https://hemms.blogspot.com

https://x.com/TalatWbas/status/1949268602776871049

https://x.com/Meemmag/status/1963342485440155862

https://x.com/thaeralbannaa/status/1963320048811995321

 

بقلم

هتموت من الشمس