أزمة بلاد الواق الواق الشقيقة!!!
مساء الخير.
مساء النور.
أية الحكاية؟ مالهم؟ قلقتنى عليهم؟!!!
ما أنا جايلك فى الكلام, وهأحكى لك حكايتهم
من الأول, ومش هأسيبك للأسئلة لتأكلك, عشان هتصعب على.
تمام.
بص, بدأت الحكاية فى يوم ما على ساحل البحر
فى الشمال وبطوط بيصيف, وكان قاعد زى عادتة وقفاة للبحر.
هوه ليه بيقعد كدة؟!!!
عشان الهواء يطس فى قفاة, وبعدين أية, أكتشف
حته أرض منخفضه كدة, ومش بتاعة حد, وهوه قاعد بيفكر أستعملها فى أية؟ وإذ فجأة
سقطت على قرعته بلحه من على النخلة, فقال زى نيوتن وجدتها.
تقصد البلحة؟!!!
لأ, هوه وجد الفكرة العملاقة لعمل مصنع
للبلح بالنووى.
وكعادتة وبدون أية دراسات جدوى قرر أنه ينفذ
هذا المصنع الضخم مستغلاً الثروة القومية البلحية للبلاد.
طيب, ما الدنيا أهيه ماشية فللى, هتيجى لهم
الأزمة منين؟!!!
ما أنا جاى لك فى المنام, أسف أقصد فى
الكلام:
بس, مش إحنا حالياً عايشين أجواء حرب والكل
مش طايق بعض, وقاعدين يخانقوا ذباب وجههم, وراحت جاية لى فكرة, "ما يمكن
الناس الوحشين والشريرين", يبعتوا لهم صاروخ غلس, ولا درون متشرد, ويولعوا
لهم فى مصنع "العجوة بالنووى" وتبقى كارثة, ولا أثناء التشغيل تكون
نواية نشفاة شوية ولا غلسه حبتين "تسخن ولا تفرقع" وهم بيتطحنوها.
برضة مفهمتش؟!!!
أصل لما بيحصل له كدة بيطلع ريحة وحشة,
وأتجاة مهب الريح لو تفتكر كان بيطس فى قفاة وهوه قاعد على البحر.
يعنى أية؟!!!
يعنى الريحة الوحشة هتجيبها الريح اللى جاية
من ناحية البحر إلى أكبر تجمعات سكنية فى بلاد الواق واق, وإلى عاصمتها "مدينة
البط" والمدن المحيطة بها.
أيوة بقى وقف المراكب السايرة, وقفل كل
الطرق فى وشهم ما أنا عارفك بومة, وكلامك يوقف الريح المرسلة.
!!!!!!!!!!!!!!!!!!!!
يله, تصبحوا على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق