خطاب النصر!!!
مساء الخير.
مساء النور.
أية ده؟ مين اللى أنتصر؟!!!
إيران, زى ما سبق وقلت بالظبط.
يعنى عاملين خطاب النصر؟!!!
لأ.
أمال أية؟!!!
توتو هوه اللى عمل خطاب النصر, برضة زى ما
سبق وقلت بالظبط.
أية ده مش هوه اللى أنهزم, بيعمل ليه خطاب
نصر؟!!!
ما أنا مش سبق وقلت لك أنه هيعلن أنتصارة
ويخرح من الحرب خلال يومين.
حصل, بس أنا أستغربت جداً من اللى أنت قلته
وقتها وعشان كدة ما نقشتكش فيه, بس مكنتش متوقع إن ده ممكن يحصل أبداً!!!
ما هوه ده توتو, وتحب أزيدك من الشعر بيت
"توتو غسل أيدية من مسئولية الحرب".
طب, هوه أزاى أنتصر وتنصل من المسئولية؟!!!
ما هى دى طبيعة توتو "ينهزم ويعلن أنه
أنتصر, وكمان يتنصل من المسئولية", وأنا قلتها لك قبل ما يعملها.
ماهو زى ما بيقولوا "النصر له أباء شتى
ولكن الهزيمة تولد يتيمه", ولكن أول مرة أشوف "نصر يولد يتيم".
وده الدليل أنه ليس نصر, ولكنه "نصر بطعم
الهزيمة".
ده قال بالحرف الواحد: "أيا ما يكن, لم
يكن أنا", بمعنى "أيا ما كان المسئول عن ما حدث, لم يكن أنا".
أه, وأضاف أنه خدع من مساعدية, وأنهم أخبروه
الثلاثة "كبار الفشلة فى إدارتة", إن إيران هتهاجمهم.
طيب, وأية اللى جاى؟!!!
خلاص الحرب خلصت وامريكا بتبحث عن مخرج,
وتوتو عمل خطاب نصر, وأعتبرها بالنسبة له أنتهت, وبعت ويتكوف للشرق الأوسط
للمباحثات, عشان "البحث عن محاولة للخروج مرفوع الرأس", وإيران فرضت
شروطها, "دليل على أنها أنتصرت", وسلم لى على اللى هيشفع فيك.
برفو يا باشا, أنا أصفقلك وبرفع لك القبعة,
"حقيقى أنت بتعطينا على مدونتك أخبار بكرة بالحرف الواحد", بصراحة أنت
أذهلتنى, "بصراحة لم أتوقع أن يحدث ما قلت بنفس الدقة دى"!!!
أشكرك, يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق