تحليل فيديو يحي السنوار في أنفاق غزة
قبل عامين (2)
السبت، 28 فبراير 2026
بعد الغروب!!!
صباح الخير.
صباح النور.
أية يا عم الحاج؟!!! أية الحلاوة دى, وأية التوقعات
الجامدة التى لا تسقط!!!
تمام, أشكرك, أشكرك, أخجلتم تواضعى.
بس لى عتاب صغير عليك؟
أية؟
لإن أنت قلت الليلة وهم بدأ مبكراً؟!!!
أفضل مواعيد لحرب للطيران, "هو بعد الغروب
مباشرة أو قبل الشروق مباشرة".
ليه؟
عشان بيبقى عندك غطاء من الليل وبتكون قد
أرهقت المدافعين من طول الأنتظار, وعندما أعلنت صباح أمس أنهم سيهاجمون فى ليلة
أمس, فربما أنهم قد أخروا هجوم المقاتلات لليلة التى تليها, وبدأو برشقة صاروخية
عند الفجر "كأختبار للجبهه".
"كأختبار للجبهه", مش فاهم؟ تقصد
إن رشقات الصواريخ هذه كانت أختبار للجبهه, ولم تكن بداية للحرب؟!!!
لا, ليس هذا ما قصدته, "كدة, كدة, الحرب
بدأت", وكل ما أقصدة إن الضربة الجوية الثقيلة ممكن تكون أجلت لليوم بعد غروب
الشمس.
ثانى؟
ثانى أية؟ وإحنا لسة بنبدأ ونقول بسم الله.
يعنى لسه فيه ضرب ثانى؟!!!
طبعاً, إحنا فى حرب, حرب, حاول تفهم, "وكل
شىء متاح وكل شىء ممكن".
طيب, ممكن يغيروا ميعاد الضربة الجوية
القادمة؟!!!
ممكن, بس تذكر إن "أقضل مواعيد القصف
الجوى, "هو بعد الغروب مباشرة أو قبل الشروق مباشرة".
طيب, أروح ألحق أجيب لب وسودانى.
أنت مش جبنهم إمبارح؟
مهم خلصوا, ويظهر العملية مظولة معانا.
خير تفعل.
تمام,
سلام, أتركك فى رعاية الله.
فى رعاية الله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الجمعة، 27 فبراير 2026
الليلة!!!
الليلة يا عمدة, الليلة!!!
صباح الخير.
صباح النور.
أية يا عم الحاج؟!!! الليلة أية؟ تقصد فرح
عبد العال؟!!!
لأ وأنت صادق, فرح "الكيان".
تقصد الحرب الليلة؟!!! تفتكر إيران هتولع
فيهم النهاردة؟
فى الغالب, ألحق بقى وهات لب وسودانى, عشان
السهرة فى الغالب هتكون "الليلة".
أنت متأكد؟!!!
فيه مؤشرات إن الحرب خلال ساعات.
زى أية؟!!!
بيان السفارة الأمريكية "بمغادرة
الموظفين غير الأساسيين بمغادرة الكيان", بالأضافة إلى أنهم وجهوا رسائل للمواطنين
الأمريكان بعدم السفر للكيان.
على فكرة عملوا ده كمان فى بيروت - لبنان.
أنا مش عارف ليه وزير خارجية إيران مبتسم
على طول؟!!!
ده أنا أزيدك من الشعر بيت ده هوه بيحب كمان
يعطيك إيحاء بالأرتياح والإيجابية.
شكلهم عايزين يضحكوا علينا؟
مهو عايز يقنعك بجدية المفاوضات وبنجاحها!!!
إمبارح توتو زار القيادة العامة المركزية.
مهم معدوش بيداروا أنهم هيحاربوا.
على فكرة, سمعت إن الأسطول الأمريكى وصل
لحيفا اليوم.
أه, وصلت حاملة الطائرات تقريباً عند الفجر.
يبدو إن عمليه تسليك البلاعات اللى جرت فى اليونان تمت بنجاح.
كويس أنهم عملوها وإلا الطائرات اللى طالعه
منها كالنت هتكون ريحتها وحشة.
لا, على فكرة ده ملوش دعوة بالمجارى اللى
كانت مسدودة عليها.
يله, سلام, أتركك فى رعاية الله.
وأنت كمان فى رعاية الله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
خروج الأساطيل لعرض البحر!!!
مساء الخير.
مساء النور.
أية يا عم الحاج؟!!! أنت هتخضنى ثانى ليه؟ أية
حكاية "خروج الأساطيل لعرض البحر"؟!!!
خروج الأساطيل لعرض البحر هو تكتيك متبع فى
الحروب البحرية, ولو أزيدك من الحب بيت, وإختفائها عن أنظمة التتبع.
ده معظم السوشيال مديا بتتكلم عن أنسحابهم
"عشان خروجهم من اليونان والبحرين".
ما ده مش صح الأساطيل بتخرج لعرض البحر
لأتخاذ مواقع قتالية أفضل, وعشان ما تبقاش مكشوفة للراصدين على الشواطىء, وعشان تختفى
عن أنظمة التتبع.
طيب, أزاى بتختفى عن أنظمة التتبع؟!!!
فيه جهاز أسمه الترانسبورتر, وهو موجود على
كل سفينة وطائرة لتحديد مكانها دائماً على الخريطة, وهو يعتبر من أجهزة السلامة
اللازمة للملاحة, وهو ممكن تشغيلة أو أطفاءة, وفى العادى قائد الطائرة أو المركب
بيشغلة أثناء تحركها, وممكن لو عايز يختفى عن أجهزة التتبع أنه يطفئة.
وكيف يتم رصدهم؟
عن طريق أقمار التجسس والدرونات وطائرات
الأستطلاع.
طيب, تفتكر الحرب هتكون أمتى؟
خلال عدة أيام, يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الخميس، 26 فبراير 2026
ماذا لو؟!!!
مساء الخير.
مساء النور.
أية يا عم الحاج؟!!! أنت هتخضنى ليه؟ "ماذا
لو" أية؟!!!
ماذا لو أتفقوا؟
معقولة؟ بعد ده كله؟
أه, وبعد ما كمان جبت اللب والسودانى!!!
هتبقى خسارة كبيرة.
أنى جبت اللب والسودانى؟
لا, أقصد للمنطقة, لأنها هتواجه موجة كبيرة
من التنمر والتنطيط, والغلاسة والتطاول والبلطجة.
ليه؟!!!
أصلهم هيعتبروا نفسهم أنتصروا, وإنهم جامدين
قوى ومحدش قادر عليهم, وإن الجميع بعدها لازم يخضع لإرادتهم, سواء بالتهديد بالقوة
الغاشمة أو بأستخدامها؟!!! ويطلعوا الشجرة, ويلاعبونا بعدها "لعب القرود".
يظهر إن اللى جاى هيكون زى وشهم.
ربنا يستر علينا.
طيب, تقصد أية بإستخدام القوة الغاشمة؟
الحرب.
مع مين؟
مع اللى عليه الدور.
دور أية؟ أمال أية حكاية "مجلس السلام",
والحروب مش عايزة تنفض من المنطقة؟!!!
ما أنا قلت لك سابقاً "متصدقش
الشكليات", لأن الحقيقة غير!!!
فعلاً عشان الحقيقة غير وغريبة, هوه أنت قلت
لى مين اللى عليه الدور؟
أنت نسيت اللى قلناه, "إن فيه ثلاثة
قوى فى المنطقة أساسية لازم يسيطروا عليها ويخضعوها عشان يقدروا يفرضوا سيطرتهم
على المنطقة".
أه, تقصد بعد إيران, مصر, ثم تركيا.
طيب, ولو حاربوا؟
مفيش حاجة هتتغير, "هوه, هوه, نفس
السيناريو".
أية ده؟ مفيش تغيير؟!!! دول خيالهم ضحل ولا
أية, يعنى معندهمش شوية إبتكار!!!
أه, تخيل, "هوه, هوه, نفس
السيناريو", ومفيش أى تغيير. الشىء الوحيد اللى ممكن يتغير هو "فترات الراحة
بين الخطوات".
والحل؟
لازم نستعد؟
وإحنا كدة فى وسط الصيام, وداخلين على موسم "الكحك
والبسكوت".
أه, تخيل, ما إحنا لازم نفوق وننتبه للى جاى
علينا, وإلا هنضطر نحاربهم لما يجوا "بالكحك والبسكوت".
دى تبقى فعلاً مصيبة سودة.
طيب, بالراحة كدة فسر بالتفاصيل المملة اللى
جاى بعد الحالى.
خلاص, اللى جاى بعد الحالى "ملحمة
الأسكندرية" اللى قالت عليها النبؤات.
أمتى؟
لو ما حاربوش إيران, يبقى هتكون "مباشرة"
على طول.
ومش هيريحوا؟
لا, ما هم هيخدونا فى وشهم وهم مروحين,
وبعدين "هيريحوا من أية"؟ ما هم حشدوا وماحاربوش, ومش محتاجين يروحوا
وبعدين يرجعوا ثانى مخصوص, "لأن القوات والأساطيل موجودة فعلياً ومحشودة فى
المنطقة", ومش هيرجعوا "بخفى حنين"!!!
والمجارى المسدودة عندهم؟!!!
هيكونوا سلكوها, أمال أنت فاكر أنهم راحوا ورسوا
فى اليونان ليه؟
يعنى تفتكر إن الأساطيل دى هتتجمع علينا, فى
طريقهم قبل ما يروحوا؟
أه, عشان يقوموا معنا بالواجب, ده, فى حالة
لو ما حاربوش؟
ولو حاربوا؟
"هوه, هوه, نفس السيناريو". مفيش أى
تغيير, إلا أننا هننتظر شوية على بال ما يرتاحوا ويجمعوا الحشد من ثانى, وبعدين يجوا
يكملوا على "الشرق الأوسط".
هوه إحنا بختنا مايل ولا أية؟
ليه؟
عشان السواد اللى جاى علينا؟
ما إحنا بقى لنا سنين وسنين قاعدين نحذر
ونقول ونعيد ومحدش راضى يصدقنا.
أه, كانوا فاكرينكم مجانين؟
وفاكرين إن فاضل على النهاية خمسة قرون.
ربنا يستر.
تحياتى, تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
لا تنتظروا أن تتلقوا الحلوى!!!
مساء الخير.
مساء النور.
أية ده يا عم الحاج؟!!! مين بيوزع حلوى؟ حلويات
شرقية دى, ولا غربية؟!!!
ما تروحش للمعنى الحرفى, أنا بأتكلم عن
الحرب ومعانتها.
يعنى أية؟ هوه فيه حرب بيوزعوا فيها حلوى؟!!!
أنت فهمت غلط. ما أريد قوله: "لا
تنتظروا فى الحرب أن تتلقوا الحلوى, فالحلوى توزع فقط عند النصر أو الشهادة".
ليه بتقول لهم كدة؟
عشان الحرب مش لعبه, ومن المؤكد بأنكم
ستضربون بشدة, وستحدث عندكم خسائر فادحة, ولكن وبالرغم من أنكم تعانون بشدة
أقتصادياً, وبالرغم من كل ما لحق بكم من خسائر على مر السنين, وبالرغم من حجم
القوة التى وصلت للمنطقة, وبالرغم من أنهم قد تحالفوا وجمعوا لكم, وبالرغم من أنهم
قد حفروا كثيراً ومكروا وكادوا بشدة, ولكن إن شاء الله فهو معكم, وما النصر إلا
صبر ساعة, ومهما كانت الجروح والكسور والأحزان, فإذا صمدتم للأخر, ستصبحوا أبطال
فى نظر الجميع, وستحصلون على نصر مذهل, سيغير شكل أوطانكم والمنطقة, وسيعوضكم الله
"إن شاء الله" قريباً عن كل ما أصابكم.
تحياتى, تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الاشتراك في:
التعليقات (Atom)
المشاركات
