فرق
ثقافات!!!
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
فرق ثقافات!!!
هوه أنت منين؟!!!
من كوستا, من "سلفيو كوستا".
لا حول ولا قوة إلا بالله.
أية يا حج, ليه بتقول كدة؟!!!
حتى الخواجات بقوا سلفيين؟!!!
بس, أنا مش من الخواجات.
أمال أيه؟!!!
مصرى عادى مسلم.
يا راجل!!! أمال أيه كوستا اللى بقى سلفى دى؟!!!
بس كوستا مش خواجة.
ياراجل!!! أمال أيه؟ سلفى؟!!!
ولا حتى سلفى.
لا, أنت كدة فهمت غلط, أنا مصرى مسلم سلفى بس
بأقعد فى كوستا كافية, فإحنا عملين جروب مسمينة "سلفى كوستا".
وبتقعدوا هناك تعملوا أية؟!!!
نشرب قهوة.
أه, كدة عرفت.
عرفت أية؟!!!
يظهر أنك من الناس بتوع الكروسو والقهوة بلبن.
ودول مالهم؟!!!
طب هزممك, فيه حد يشرب كروسو وقهوة بلبن؟!!!
مالهم, هما بيخروجوا من الملة؟ ولا بيفسدوا
الدين؟!!!
مش قاصدى, بس مالها القوة بتاعتنا؟ هيه عملت لك
أية؟!!!
معملتش حاجة, وأنا بأحبها وبأشربها كثير, حتى
عند كوستا.
طب ليه بتشربها عند الخواجة؟!!!
يا عم, أفهم, كوستا مش خواجة, وبعدين حتى لو
خواجة, أية المشكلة؟!!!
وطب وأنت يعنى ما بتشربش قهوة بحليب؟!!!
فشر, أنا مش ممكن أشرب الحاجات السايصة دى.
أمال بتشربها أزاى؟!!!
قهوة وشوية مياة صغيرين قوى, وسخنين قوى,
وخلاص.
ما بتحطش عليها أى حاجة ثانية؟
لا خالص, حتى أنى مبشربهاش محوجة, ولا حتى
بسكر. يعنى سادة خالص و"سودة".
,,,,,,,,,,,,,,,,,,,,,,,,,,,,,,,,,,,,,,,,
على فكرة هتستغربوا لما أقول لكم إن الحديث ده
يشبه ويطابق حديث دار بينى وبين إيطالى فى القطار أثناء مروره بسويسرا فى الطريق
من هولندا إلى إيطاليا!!!
وشكى لى مر الشكوى من القهوة الهولندية, وإن
الهولندين ما بيعرفوش يشربوا القهوة, وإن قهوتهم سايصه وكلها مياة ومتنفعش تتشرب,
وأنتوا عارفين طبعاً الإيطاليين بيجبوا القهوة "إسبرسوا", وهى قهوة مركزة
جداً, والهولنديين بيشربوا القهوة زى الأمريكان, والإيرلنديين بيحطوا عليها
"لاكور" وكريمة حلويات على الوش, والعرب مابيطحنوهاش وبيحوجوها وبيشربوها
بدون سكر.
القهوة عاملة زى النادى بتاعك, "صعب
تغيرة", حاجة عاملة كدة زى الثقافة بتاعتك, والفروق بين الناس فى القهوة هى
"فرق ثقافات".
تحياتى, وتصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق