بحبه
يا بابا بحبه يا بابا!!!
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بحبه يا بابا بحبه يا بابا!!!
أسكت أصل أنا جايب لك اليوم "قصة حب
عنيفة, عنيفة, عنيفة جداً", وهتهزك من جوه خالص مالص, وهتخليك تقطع شرايينك,
وتبكى من ثلاثة لأربعة أيام.
للدرجة دى؟!!!
ما أنا مش عايز أقولك, دى قصة حب دولية
"عابرة للحدود" وعنيفة جداً.
ده أنت كدة شوقتنى؟!!!
لا, ماهى فعلاً قصة مشوقة وتستاهل.
مش هتقول لى, مين أبطالها؟!!!
"النازية والصهيونية", فعند لقائهم
ومن أول مرة وجدوا فى بعض النصف المكمل للأخر, لدرجة أن كل العوازيل والجبلات اللى
حاولوا يفرقوا ما بينهم, ومهما عملوا, وفى الأخر برضة صمد حبهم فى وجه كل عزول من
العوازيل, لدرجة إن كل العوازيل ماتوا بغيظهم ومقدروش يفرقوا ما بينهم.
المهم, المشكلة حالياً اللى بتواجهنا, أنهم
ماشيين مع بعض فى الحرام, وإحنا بنحاول معاهم عشان يخرجوا حبهم للعلن, "بس هم
مش راضيين"!!!
طب, سيبنا منهم دلوقتى عشان أنا عايز أسئلك عن
الوضع الحالى؟
عايز تسأل عن أية؟
عن "الحرب والسلام".
مفهمتش؟
تفتكر السلام فى المنطقة هيدوم قد أية؟!!!
مش كثير.
طب الأحسن, تقدر تقول هينتهى أمتى؟!!!
صعب تعرف, وصعب تقول.
حاول تتوقع؟
أصل ده "سلام شكلى, وليس عميق".
مفهمتش, يعنى أية؟!!!
أصل الصورة تعتبر "كاركتيرية".
وضح؟!!!
أنا هصور لك المشهد "فى صورة كاركتيرية",
وحاول أنك تفهمها.
ماشى.
المشهد الأحتفالى ده عامل زى صورة لمجموعة من
الناس "لابسه نصف ونصف", وجالسين حول ترابيزة مستديرة, ونصهم اللى فوق
لابس بدل وبيبتسم وبيسلموا على بعض, و"النصف السفلى اللى مش باين تحت
الترابيزة" لابسين فيه بدل عسكرية, وماسكين أسلحتهم وموجهينها لبعض,
و"جاهزة للأطلاق فى أى لحظة".
أنا كدة فهمت.
يا راجل!!! ده أنا نفسى مش فاهم!!!
طب, تفتكر السلام هيدوم قد أية؟!!!
مش أنت قلت أنك فهمت, بتسأل ثانى ليه؟
لكى يطمئن قلبى, يعنى أنا عايز أتأكد إن اللى
فهمته ده صح.
طب, رد بقى على السلام ده هيدوم قد أية؟!!!
مفيش حد يقدر يرد عليك فى هذا السؤال, ولا حد
يعرف له أجابه "من البشر".
والحل؟
أفرح وعيش وقتك, وأستمتع بالسلام المؤقت "قدر
الإمكان", إلى أن ينتهى.
وبعدها؟!!!
لكل مقام مقال.
تحياتى, وتصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق