مكورة
ولا مدورة؟!!!
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
مكورة ولا مدورة؟!!!
هى أية دى؟ اللى مكورة ولا مكعبرة؟!!!
الأرض يا فقيق.
وأية السؤال الغريب ده؟ أنا اللى أعرفه والناس قاعدة
بتسأله, هيه مكورة ولا مسطحة؟ ولكن اللى أنت بتقوله "مسمعتوش قبل
كدة"؟!!!
لا, ما أنا لازم أبقى مختلف. قلت لى إنت أية
رأيك؟!!!
فى حكاية "مكورة ولا مدورة"؟
أه.
ده جدل بين الناس, والعلماء حسموه من
"العصور الوسطى", وعيب إحنا نتكلم فيه دلوقتى!!!!!!!!!!!!!
طيب, مهو رجع ثانى وبشدة, تفتكر ليه؟!!!
المؤسسات اللى وراء الدجال هى من وراء الحكاية.
"عايزين يلخبطوا الناس فى دنياهم وعلمهم
ودينهم", وتخيل أنهم بيصرفوا على الموضوع ده فلوس, وعاملين لهم مجموعات
ونوادى, عشان يقولوا فى النهاية, إن العلم والدين متعارضين, "ولازم فيه واحد
بس اللى صح".
بس, فيه ناس كثيرة مثقفة مقتنعة بموضوع
"الأرض المسطحة", ليه القرآن مجبهاش واضحه بحيث لا تؤدى إلى البلبله أوالشك؟
لإن, القرآن نزل من أكثر من ألف وأربعمائة
وسبعة وأربعين سنة, ولو قالها وقتها صريحة "إن الأرض كروية", لما لاقى
أذن تصغى "وقتها", ولأنفض الناس من حوله, ولم يصدقه أحد, ولكنه قالها
بطريقة لن يفهموها تماماً "فى وقت نزوله", ولكن سيأتى العلم فيما بعد فيفسرها
تفسير "أحسن وأوقع", "فهو قرآن لا ينتهى إعجازة", وعندها لن
يعارضها العلماء, زى قضايا كثيرة مثل "الرق", وهو لم يحرم مره واحدة, وده
ذكاء الطرح "تعلمه من الله (سبحانة وتعالى)", وهو خير معلم.
تخيل إن للأسف, إن فيه ناس مقتنعة بالأرض
المسطحة "ذو مراكز أكاديمية", وكمان منهم أصدقاء مقربين لى.
وأزيدك من الشعر بيت, وكمان فيه علماء دين
وشيوخ.
فعلاً للأسف وأنا ما بحاولش أناقشهم ,"لأنهم
مقتنعين بالحكاية لدرجة, إنك لو ناقشتهم هتخسرهم", ولذلك, إحنا براحة هنروح
نحكى لهم الحكاية "براحه قوى" ونفهمهم, "وده حقهم علينا",
وعلى فكرة "لا حياء فى العلم, ولا حياء فى الدين", ومش عيب تكون مخطىء.
على فكرة أنا صاحبت الموضوع بثلاثة أحاديث "للشعراوى",
لإن الكل بيبجله, وهيحترموا كلامه.
,,,,,,,,,,,,,,,,,,,,,,,,,,,,,,,,,,,,,,
من "بداية الحديث" أنا هصدمك
"الأرض كروية", تحب تسمع الباقى, ولا هتفارقنا.
هأسمع اللى عندك؟
يا مسهل يارب.
أنت عارف إنك بتشوف الدليل كل يوم قدام عينك
وبتنكره!!!!!!!
أنا مش هتكلم.
وهو المطلوب, أنا هسألك سؤال وعايزك ترد على.
تمام.
أنت بتشوف القمر كام مرة فى الشهر؟
تقريباً طول الشهر.
طب, شكلة أية؟
مش فاهم؟
يعنى هوه مكور, ولا مدور, ولا مربع, ولا مثلث,
ولا أية؟
مكور؟
عرفت منين؟
عرفت من رؤيتى له.
تمام, "طول الشهر مكور"؟ ولا بيتغير؟
لا, أول الشهر بيبقى هلال, ثم بدر, ثم محاق.
تمام, طيب, بدر وفهمنا بسهولة "أنه
كورة", طيب أمال, فى مرحله الهلال والمحاق "بيروح فين بقيته"؟
بيبقى موجود برضة بس مظلم, فأحنا ما بنشوفهوش
بالكامل, بنشوف فقط "الجزء المضىء".
جميل جداً, والضلمة دى جت له منين؟ تفتكر عشان
مدفعوش "فاتورة الكهرباء"؟
لا يا فقيق, من ظل الأرض, ما أنا هفهمك, أصل
نور القمر "مش من عنده", ده من عند الشمس, وبينعكس عليه, "وينزل بعدها
على الأرض", "فنشوفه".
طيب, لما بتشوف القمر هلال, أية شكل ظل الأرض اللى
على القمر؟
جزء من دايرة.
أهو أنت قربتها, "لإن الهلال بيحصل عند
تقاطع دائرتان", ولو كنت فى هندسة ودرست "وصفية" لعرفت "إن
مراحل رؤية القمر بتتكون من أسقاط ظل كورة على كورة ثانية, أرض وقمر "كورتان",
والضوء جاى من الشمس.
وخلى بالك عشان اللى جاى جامد جداً, لأن ربنا
سبحانه وتعالى بيقول فى عزيز قرآنه:
﴿ وَالْأَرْضَ بَعْدَ ذَٰلِكَ دَحَاهَا﴾ [ سورة النازعات: الأية 30]
أولاً: إذا كان دحاها تعنى البسط, "فهى
تعنى البسط إلى مالانهاية", والشكل الوحيد فى كل الأشكال الهندسية المبسوط
إلى مالانهاية هو الكرة, "يعنى من الأخر الكورة هو الشكل والوحيد اللى لو
مشيت عليه إلى مالانهاية فى أى أتجاة لاينتهى"!!!!!!!!!!!!!!!!!!!!!
ثانياً: الدوحة هى البيضة "فى اللغة
العربية", وهو فعلاً الشكل الحقيقى للأرض, فهى مفلطحه قليلاً من عند القطبين
الشمالى والجنوبى, ومنبعجه قليلاً عند خط الإستواء, وأقرب شكل لها هو
"البيضة"!!!!!!!!!!!!!!!!!
ثالثاً: إن الرسول (صل) مكنش يقدر يقول للكفار
فى العصر الجاهلى, "الأرض كرة". دول كانوا كلوه حى, ولكن ذكاء الطرح من
الله سبحانة وتعالى: أنه قال فى عزيز قرآنه (وَالْأَرْضَ بَعْدَ ذَٰلِكَ دَحَاهَا),
ومعنى دحاها "بسطها", ويجىء العلم الحديث فى الأخر "بعد سنين
وسنين", ويثبت إن الأرض على شكل البيضة, وإن السطح الوحيد المبسوط إلى
مالانهاية "هو الكرة", وتلاقى القرآن اللى نزل من حوالى 15 قرن متوافق
معه "تماماً", سبحان الله", أعجز من فهم!!!!!!!!!!!!!!!!
وفى النهاية لا تقدر أن تقول إلا صدق القرأن,
وأثبت أنه معجز أمام العلم دائماً.
تحياتى, وتصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق