برامج خدمة العملاء!!!
برامج خدمة العملاء فى كل العالم شىء, وفى مصر شىء أخر!!!
فى كل
العالم معمولة لخدمة العملاء, وفى مصر معمولة عشان تطلع ديك أمهم!!!
وعلى فكرة
أنا بأتكلم عن البرامج بتاعة خدمة العملاء اللى على الموبيل, واللى ممكن تعمل أى
حاجة إلا أنها تخدم العملاء!!!
يعنى لو
هتعمل حاجة تكسب الشركة فلوس ممكن تعملها لك "بسهولة", بس لو هتعمل حاجة
تلغى خدمة بتقدمها الشركة لك بفلوس, "سواء أنت أشتركت فيها برغبتك أو بدون,
وحتى لو حدث, وفوجئت بأنهم ضيفينها على حسابك فجأة", المهم إنها برمجيات
خبيثة وخسيسة ومصممه أصلاً عشان تسرق فلوس العملاء وتمص دمهم, وهتلففك حولين نفسك,
وبرضة "مش هتلغيها لك", "وللأسف المحاولة فشلت", وممكن تحاول
مرة أخرى فى وقت أخر, وبعدين تلاقيهم باعتين لك رسالة يعرضوا عليك تخفيض, أو ميزة
أضافية على الخدمة اللى أنت عايز تلغيها!!!
حاول 500 مرة هوه نفس اللف
والدوران بدون نتيجة!!!
ما ترحمونا بقى, يعنى ممكن تتشل
ويجى لك ضغط وسكر, وبرضة مفيش حل "مش هيغيروها لك"!!!
أنا مش عارف راحت فين هيئة حماية
المستهلكين فى مصر, "ما تحمينا منهم"!!!
يكون ربنا يهديهم, ولا ياخدهم
عشان نرتاح!!!
عموماً, لنا الله, أترككم فى رعايته.
فيما عدا ذلك فكل شىء بيتسرق "عينى عينك", وعلى
ما يرام, وكلة على قديمة.
وهنا سكت هتموت عن الكلام.
,,,,,,,,,,,,,,,,,,,,,
بقلم
هتموت من الشمس
المشاركات
ليست هناك تعليقات:
إرسال تعليق