https://hemms.blogspot.com
العصر الذهبى للكفتجية والهبيده ومفتى الديار!!!
للأسف ربنا ابتلانا بعصر أنتشر فيه الكفتجيه
والهبيده والمفتيين, لدرجة أنهم أصبحوا وباء فى كل المجالات, بمعنى أنهم بدل ما
طبقة الجهلاء وضحلاء الفكر والسرسجيه والسريحه ما يتداروا من الخجل على ما بلاهم
ربهم, ويتواروا عن المشهد, ولكنهم للأسف, تصدروا المجتمع على أنهم طبقة المثقفين
الجدد, وبما أننا فى قمة عصر البجاحه, فأصبحوا الآن "أصحاب منابر وفكر وقنوات
دعائية على النت وقنوات تجارية ذات محتوى سفيه"!!!
فقادوا منذ زمن زمام الفكر والفن والعلم حتى إن
الدين لم ينجى من هوسهم وعشقهم للجهل, بعد أن أزاحوا كل العلماء الحقيقيين,
والمثقفين الفعليين, وأصحاب الفكر العميق, فالعصر الحالى أصبح ينحاز بشدة
للأغبياء!!!
هذا, ونجد عمالقة الهبيده فى كل مجال, خارجين
بنتاج غزير من فديوهات لوذعية بعنواين تشدك فى كل المجالات, لدرجة إنك هيكون عندك
فضول عظيم وتشوق لتراها!!!
مثل: كيف تعالج السكر فى ثلاثة خطوات؟ّ!!! أو كيف
تتخلص من الكرش بلا أى مجهود!!! أو كيف تمارس الرياضه وأنت بتعمل!!!
يعنى أنت عندك كرش أصلاً عشان نتيجة لكسلك وعوايدك
السيئة, وهوه رايح يطمعك, حتى أنك بعت له دماغك, وخلاص أقتنعت "بأنك وأنت
نايم على ظهرك وبتامرس عادتك العظيمة (بالتعفن فى السرير)", هتصحى تلاقى
بقدرة قادر تخلصت من الكرش, مش مصدق, أعترض بقى على العلم!!!
وكيف تمارس الرياضه وأنت بتعمل!!! هوه أنت هتعلمهم
الفساد!!! ده هم أصلاً مبيعملوش أساساً, وممكن يعطوك دروس فى كيف تنام وأنت تعمل,
وكيف لا تعمل, وأنت تعمل!!!
وحتى إن فديو علاج السكر هتلاقيه معمول بالذكاء
الصناعى ومعلوماته عامة وضحله ومستمدة من سلاح التلميذ, والمستوى العام الفكرى
للفديوات لا يزيد عموماً عن سن خمسة سنوات!!!
يعنى فى الغالب مستواهم الفكرى يتراوح بين الكى جى
والإبتدائى!!!
هذا وقد أنتهى العصر الكفتجى الأول بأكتشاف "
العلاج بالكفتة, وكيف تكفاح وأنت نايم, وكيف تتعفن فى السرير"!!!
كما إن لا التاريخ, ولا الثفافة أو الفن ولا الطب
ولا حتى الدين لم يسلموا من هبدهم العظيم!!!
نهايته, اللهم أضرب الكفتجيه بالهبادين, وأخرجنا
منهم سالمين!!!
,,,,,,,,,,,,,,,,,,,,,
https://hemms.blogspot.com
https://x.com/RassdNewsN/status/1931765804078350684
https://x.com/ShaykhSulaiman/status/1931864180144939447
https://x.com/mog_china/status/1931648524732481596
بقلم
هتموت من الشمس
المشاركات
ليست هناك تعليقات:
إرسال تعليق