تحية دى تبقى خالتك!!!
كنت بأشاهد الأخبار, وطالعنى خبر عن توتو وهوه
رايح يركب الطيارة, "صرح بأن طائرات الكيان اللى رايحه إيران مش هتضرب, ولكن
هتؤدى التحية لأيران"!!!
بالطبع أنا لم أصدقة, وقلت وقتها: "تحية دى
تبقى خالتك"!!!
وبالفعل للأسف بعدها بدقائق "صدقتنى الأحداث",
والطيارات فعلاً "دخلت وضربت".
يظهر إن توتو كلمته مش ماشية فى البيت, وإن بى بى
عايز يبين أنه الذكر فى العلاقة, وإن كلامه هوه اللى بيمشى!!!
بالنسبة لوقف أطلاق النار بين الطرفين, أرى أنه
وقف أطلاق هش, وقابل للأختراق من الطرفين, ولكنه خطوة جيدة للأمام, ويجب أن
تستثمر.
على إيران أن تغلق ما عندها من ثغرات وتضيف على
نقاط قوتها, بمعنى أن تحسن من منظومتها الدفاعية "فقدراتها الدفاعية الحالية تقارب
الصفر", وتحسن منظومتها الصاروخية الهجومية والدرونات, "نريد صواريخ
مناورة أكثر دقة, ودرونات أكثر دقة وقدرة عالية على المناورة وأكثر سرعة وذكاء
وهدوء", ومش هتكلم عن الطائرات المقاتلة, لأن الفارق كبير جداً وصعب تعويضه
فى فترة قصيرة, وأن تتخلص من جيوش العملاء المنتشرين على أرضها, "يعنى تعمل
تتطهير كامل للبلاد", وتستعد للجولة القادمة, فمن الواضح بأن هذه الحرب لم
تنتهى بعد, وإنها ستطول, وسيكون فيها وقفات وسقطات وهدوء حذر ومعارك, بمعنى أنها
حرب "صولات وجوالات", "وستحتسب فيها كل النقاط", فلتستغلوا كل
لحظة فى تحسين مواقفكم!!!
أنا عايزكم الجولة القادمة تدهشونى!!!
لعله خير.
وهنا سكت هتموت عن الكلام.
,,,,,,,,,,,,,,,,,,,,,
بقلم
هتموت من الشمس
المشاركات
ليست هناك تعليقات:
إرسال تعليق