الدنيا رايحه فين؟!!!
https://hemms.blogspot.com
الدنيا رايحه فين؟!!!
مش هقول لك مش مهم, ولكن هأقول لك إن فيه الأهم!!!
يعنى أية؟!!!
يعنى مش مهم الدنيا رايحه فين؟ قد الأهم, إنت
حالياً واقف فين؟!!!
أولاً "كل سنة وأنتم طيبين".
بكرة وقفة عرفه والعيد.
يعنى هنصوم, وندعى, ونصلى, ونفدى, ونوزع, اللهم
تقبل وبارك!!!
"الله أكبر, الله أكبر, الله أكبر, لا إله
إلا الله, الله أكبر, الله أكبر, ولله الحمد, الله أكبر كبير, والحمد لله كثير, وسبحان الله بكرة
وأصيلا, لا إله إلا الله, ولا نعبد إلا أياه, مخلصين له الدين ولو كره الكافرين!!!
وكله خالص لوجه الله "سبحانه وتعالى",
ونأمل أن يغفر الله لنا ذنوب سنة ماضية وسنة قادمة.
اللهم تقبل منا صالح أعمالنا, وإصرف عنا شرورها, وإغفر
لنا وإرحمنا, وتقبل منا كل ما نقدمه خالص لوجهك الكريم, "فإن شاب العمل أى
نقص, فنأمل أن تصححه النيه, والعفو والغفران", وأن تفرج كرب كل المحتاجين على
ظهر الأرض, وأن تنجد ضعفاء وفقراء المسلمين, من شرق الأرض إلى مغربها, ومن شمالها
لجنوبها.
أنا بصراحه مش عارف أبدء أزاى, وقاعد أقدم رجل
وأخر أخرى, ولكن تكلنا على الله!!!
بأختصار, الأرض والسماء بدأت بالتكشير عن أنيابها,
وهى بتعطى أشارات وعلامات معروفه لكل لبيب, وأنت عموماً, مش محتاج أن تكون عبقرى
لتفهم أن الأرض والسماء بدأت فى أرسال أشارات فهمها الشجر والحجر والحيوانات, إلا
الإنسان هوه الوحيد اللى مازال متشكك, فأفتح قلبك وعقلك لتفهم قبل أن يغدرك الوقت,
وتخونك تقديراتك, فتقارب وكثرة الأشارات, تعنى ببساطة قرب الحدث!!!
فإن كانت الحكمة تشير علينا "بأن الوقاية خير
من العلاج"!!!
لذلك فالأفضل أن نبدأ بوقفة تامة ومفاجئة مع
النفس, للجرد والمراجعة وتصحيح الأهداف والوجهه!!!
يعنى أية؟!!!
يعنى حاسبوا أنفسكم قبل أن تحاسبوا, لأن من يمت
الآن فقد قامت قيامته!!!
برضه, يعنى أية؟!!!
يعنى نزل السكينة, أطفىء الكهرباء, وقف كل شىء,
هدوء,,,,, صمت,,,,, سكون, إحنا محتاجين نوقف ونراجع ونجرد كل شىء, نفضى كل
الخزانات , ونسترخى!!!
ننظف كل اللى فات عشان نبدأ من جديد على نظيف!!!
ليه كدة؟ ما إحنا كنا كويسين؟!!!
لا بالتأكيد, كلنا محتاجين بشدة للمراجعه والتقييم,
قبل أن نبدأ بداية جديدة مع الله, نخلص فيها العمل, ونصدق النية, فإن كان القادم
عظيم, فلابد أن نواجهه, ونحن راسخين الأقدام, مرفوعى الرأس, أنقياء السريره, صافى
النية!!!
عشان لما تبدأ الأحداث العظام تجد من يدافع عنك!!!
عموماً, ربنا يغفر ويستر وينجى, ملناش غيره نلجأ
إليه.
نهايته, قبل ما نقفل, عايز أقول بعض الأشياء:
أولاً, إن الأمور بدأت تتبلور بشدة فى سوريا لتشير
على السفيانى "المذكور فى الأحاديث", ونواة جيشه بتتكون على قدم وساق,
وبتتسلح بأحدث سلاح غربى "كامل وثقيل"!!!
يعنى يكاد يشير المريب على شوشو, "شكلهم كدة
أعتمدوه ليكون أرهابيهم المفضل فى الشرق الأوسط", الله ما جزيك يا شوشو"!!!
"بعد ما أنتهى دور الدوا - عش (فهمى, نظمى,
رسمى)", خلاص بقى, بقوا دقه قديمة, وورق مكشوف ومحروق, جددوا بقى!!!
والشىء الثانى, اللى أريد أن أشير له, إن المحور الإيرانى
وتوتو وبى بى على وشك الأنفجار والدخول فى حرب ضروس وطاحنه, وما يغركش الهدوء
البادىء فى المنطقة, وأبتسامت البلاهاء التى بتوزع حالياً على الصحفيين!!!
والشىء الأخير, ما تعتقدوش إن حرب روسيا وأوكرانيا
رايحه ناحية الأفول, فالنتائج السلبية المترتبة على الأحداث "شديدة
الغباء", التى قام بها كوهين بمساعدة وكالات ألأستخبارات الغربية, ستكون أكبر
بكثير من المكاسب التى تحققت له منها, طبعاً بعد رد الدب الروسى!!!
ملحوظة هامة:
الدبابة بتاعة بى بى مفروض يعملوا تأمين لركابها,
"على العودة مشوى, أو نصف سوا"!!!
وعلى فكرة ما تعتقدش إن وضع الثانى أفضل من الأول,
فاللأول خلاص راح جهنم وفهمنا, بس الثانى لسه هيتعذب شويتين قبل ما يروح لأخوه
المشوى"!!!
نهايته, خسأتم جميعاً, ألا يوجد فيكم رجل رشيد؟!!!
عموماً, آمل أن أكون مخطىء, فأنا أفضل ذلك!!!
,,,,,,,,,,,,,,,,,,,,,
https://hemms.blogspot.com
https://x.com/tamerqdh/status/1930258385032605707
https://x.com/Rd_fas1/status/1930446789854867614
بقلم
هتموت من الشمس
المشاركات
ليست هناك تعليقات:
إرسال تعليق