مصر مقبرة الغزاة!!!

 

https://hemms.blogspot.com

 https://www.youtube.com/watch?v=YlrnCWwevnk

https://x.com/osSWSso/status/1918035379195711691

https://x.com/EgyptianGe0000/status/1918292651691987318

https://x.com/Meemmag/status/1918327119634980895

https://x.com/videonet_/status/1918246694623515056

مصر التى فى خاطرى وفى دمى.

تخيلوا الدولة اللى بدون تاريخ وفاضل لها يومين وتمشى, طمعانة فى قناة السويس!!!

وبعدين توتو بعد ما عايز يحط قاعدة عسكرية فى تيران وصنافير ويسيطر على خليج العقبة ومضيق تيران, كمان بيطالب بحقوق فى قناة السويس عشان أجداده شاركوا فى حفرها!!!

وأقول لهم: بطلوا اللى بتشربوه شوية, عشان كمان شوية صغيرة ويجيى من يفوقكم من أوهامكم.

وعموماً, إن كنتم نسيتوا ما جرى نجيب الدفاتر تنقرا!!!

بى بى اللى بقى له ما يقارب من سنتين مش عارف ينتصر فى عركه مع بتوع الحمص, وباعت رسالة لمصر متغطية عن طريق دلدوله, أنهم عايزين قناة السويس كتعويض مقابل آملاكهم التى أخذها المصريين منهم لما رحلوا منها فى الستينات!!!

وأرد عليه: بأنهم لم يتركوا عند رحيلهم شىء بمليم خلفهم, ولكن كل من رحل أخذ معه ما يستطيع حمله, وما تبقى من أملاك باعوه للمصريين قبل رحيلهم.

وشهادة للتاريخ: هم لما خرجوا من مصر فى عهد نبى الله موسى "عليه السلام", سرقوا ذهب المصريين اللى عملوا به العجل, وهم معترفين بكدة!!! وشفت دلوقتى بيطالبوا بتعويضات على طريقة "ضربنى وبكى وسبقنى وإشتكى"!!!

أما بالنسبة لتوتو فأقول له شوف حد من مساعديك بيفهم فى التاريخ ليفهمك عدة نقاط هامة:

·        إن مصر عصية على الغزو.

·        إن عاد الثانية لم تنتصر فى أى حرب خاضتها فى تاريخها إلا بنما.

·        إن ما تبقى لك فى الحكم لن يكفى لتحقيق أوهامك.

·        إن عاد الثانية لن تحتمل سخافاتك لمدة أربعة سنوات.

ومش هنقول إن مصر تاريخياً كانت عصية على الغزو وكسرت أقوى الغزاة على مدار التاريخ!!!

ولكن ما ستتعجب له, إن مصر عصية على الغزو حتى فى المستقبل الباقى من الزمن حتى قيام الساعة!!!

ولكن ده مش معناه إننا ننام ونقول إن الملائكة وجنود الله "سبحانه وتعالى" ستدافع عنا, ولكن ربنا "سبحانه وتعالى" يقول: " وأعدوا لهم ما استطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم الله يعلمهم وما تنفقوا من شيء في سبيل الله يوف إليكم وأنتم لا تظلمون " سورة الأنفال آية 60

وكل العرب يفهمون ما تعنيه الآية مجملاً, ولكنى أحب أوضح فقط إن رباط الخيل تعنى كل ما يستخدم فى الركوب والحرب "كل حسب زمنه".

يعنى أية؟!!!

يعنى نفوق ونستعد ونفعل كل ما نستطيع فعله للدفاع عن بلادنا, والباقى سيتكفل به الله "سبحانه وتعالى".

وأنا بالمختصر بأقول لمن له أطماع إن: "كل اللى فات حمادة, واللى جاى حمادة ثانى", وبينا وبينكم ربنا "سبحانة وتعالى" والأيام!!!

واللى مش عاجبة الحلو يروح يشرب من المالح!!!

وربنا يهدى, ويخيب سعيهم, والله المستعان.

,,,,,,,,,,,,,,,,,,

خلص الكلام.

 

https://hemms.blogspot.com/

 https://www.youtube.com/watch?v=YlrnCWwevnk

https://x.com/osSWSso/status/1918035379195711691

https://x.com/EgyptianGe0000/status/1918292651691987318

https://x.com/Meemmag/status/1918327119634980895

https://x.com/videonet_/status/1918246694623515056

بقلم

هتموت من الشمس