عساكم
من عواده!!!
تمر أيام رمضان
بالخيرات والعزومات, والناس متشوقة جداً للحلقة الرابعة من المسلسل اللى عمله توتو!!!
فبطل الحلقة
الأولى كان ولى العهد, وبطل الحلقة الثانية كان ملك الكوتشينية, بطل الحلقة
الثالثة كان كوهين, والناس كلها الآن منتظره "من هو بطل الحلقة
الرابعة؟"!!! وحالياً مفيش أى زعيم معروف من العالم الثالث بيحاول يقرب من
البيت اللى هناك ليقول له توتو هات فلوس؟!!!
على فكرة, المفروض
كان يبقى بطل الحلقة الثانية أو الثالثة "المتعاص", ولأنه كان خايف
يقعدوه فى أوضه الفيران, عشان كدة مارحش, ولكن هل هيفضل كدة هربان من مصيرة لفترة
طويلة؟
الله أعلم؟!!!
بس عموماً يا
للهول!!! الأنتاج السنة دى جامد جداً, وتوتو شكله صارف ومكلف, وهيعملوا مسلسل
هيكسر الدنيا!!!
وبعدها أوروبا
خدت كوهين بعد اللى حصل له تطبطب عليه, وتقول له بالشفا بعد الخضه, وحقنه العضل
اللى خدها فى امريكا!!!
وبعدين, وبكدة بقت
هى مضطرة تفك الكيس وتصرف عشان تحمى نفسها, بعد ما تركها توتو فى عز البرد فى
مواجهه الدب الروسى!!! شوف بقى البخيل لما يضطر يصرف بيبقى متكدر أزاى!!!
حقيقى فطروا
قلبى.
الغريبة السنة
دى مسلسل معاوية وتوقتيت عرضه, لأن لو تعرف أن المسلسل منتج ومنتهى ومعلب ومخزن من
ثلاثة مواسم وعدى عليه موسمين ولم يعرض فيهم, فلما يعرض الآن؟ أية الرسالة اللى
عايز يوصلها ولى العهد الآن؟!!! وعايز يوصل لأيه من عرضه الآن؟!!!
هل هو لأحياء العداواة
القديمة بين "بنو أمية وبنى هاشم", بسبب مقتل سيدنا الحسين (رضى الله
عنه), و80 من الصحابة فى كربلاء, الحادثة الشهيرة التى جرت على ضفاف نهر.
يعنى عايز يدق
أسفين فى القادم!!!
عموماً الأكثر
أثارة للريبة هو توقيت عرضه؟!!!
نهايتة, ربنا
يديم علينا الصيام والبركة والمحبة, ويمنع عنا ولاد الأحبة!!!
وكل سنة وأنتم
طيبين, ويجعله عامر.
,,,,,,,
وحوى يا وحوى,,,
الياحا
يرونه بعيداً
وأراه قريباً.
انتظروا القادم
قريباً
بقلم
هتموت من الشمس
المشاركات
ليست هناك تعليقات:
إرسال تعليق