ليست
الأمور على ما يرام!!!
ليست
الأمور فقط على ما يرام, بل يبدو أنها ليست كما تبدو, كما أنها ليست جيدة!!!
ملك الكوتشينة راح
عند توتو عشان يبارك له على المطرح الجديد اللى بيسموه البيت الأبيض, قام توتو
زنقة فى أوضة صغيرة كدة وجشم له, وجاب كمان اللى معاه فى البيت يجشموا له, قام
ملك الكوتشينة كش فى نفسه, وما بقاش عارف يعمل أية, قام من الزنقة فك معاه بكلمتين
كدة من نخاشيش قلبه الجوانى, ولما رجع للأردن, وخد نفسه منهم لحسهم ثانى!!!
طب, أوشى ورى منك
فين؟!!!
هتعمل أية؟!!!
أنا مش عارف أية
الكوميديا اللى إحنا عايشينها اليومين دول؟!!!
والعبرة الآن "إنك
لميت وأنهم ميتون"!!!
وقبل ما أسترسل فى
الحديث, أحب أقول لتوتو لو عايز ترحلهم. ده عند أم توتو!!!
معلش أصل توتو قافش
علينا اليومين دول, ومتقمص دور الساحرة الشريرة, خلى بالك أنها كانت فى الحكايات بتاكل
العيال الصغيرين الشريرين, وبتعمل حاجات شريرة, عشان كدة الناس ما كنتش بتحبها!!!
ما علينا, منذ أكثر
من سنة تقابلت مع أوكرانية فى القاهرة, ودار بيننا حديث عن الحرب ومستقبل بلادها,
وسألتها عن ماذا تتوقع أن يحدث فى المستقبل لبلادها؟
فردت بأنه تتوقع
أنتهاء الحرب وأنتصار بلادها وأستعادة أرضها!!!
ولكنى عندما استرسلت معها
فى الحديث فجعتها بقول: أنا بأسئلك ماذا تتوقعى أن يحدث؟ وليس ماذا تتمنين؟ فهناك
فرق كبير بين السؤالين!!!
ثم استطردت إنتى
عارفه إن فى الغالب اللى هيكسب الأنتخابات الجاية ترامب!!!
ومعنى أنه يحكم أنه
هيقطع عنكم المساعدات, وبالتالى ستجبروا على عمل سلام مع روسيا, وهتتنازلوا فيها
عن نصف أرضكم!!!
فردت بأن: أوروبا
هتساعد!!!
فرديت لو ترامب قطع
عنكم المساعدات لن تجدى من يعطيكم واحد سنت!!!
بعدها بقليل أحتلت
أوكرنيا كورسك للمقايضة على الأرض فى المستقبل!!!
ما علينا المهم:
هل توتو سيرسل قوات
إلى الشرق الأوسط؟
ليس الآن, ولكن فى
وقت قريب بعدما تمر موجه الأحتجاجات التى شمات معظم دول العالم من فرط تصريحاته
الهباب, ويستطيع بعدها تجميع حلفائه, فهو "قادم, قادم لا محالة", وعشان كدة هوه قاعد يحلب البقر اللى عنده "لأن الحرب بتكلف كثير"!!!
وتذكروا ما قلته فى
البداية:
ليست
الأمور على ما يرام!!!
ليست
الأمور فقط على ما يرام, بل يبدو أنها ليست كما تبدو, كم أنها ليست جيدة!!!
,,,,,,,
خلص
الكلام.
بقلم
هتموت من الشمس
المشاركات
ليست هناك تعليقات:
إرسال تعليق