كاركاتير بالكلمات
حضرة المواطن المتهم !!!
بصراحة الحكومة بتعمل اللي عليها وإن إحنا اللي مش عارفين نتحكم نعيب زماننا والعيب فينا وما لزماننا عيب سوانا . بصراحة إحنا مش وش خير ومش عارفين نتحكم وإن الحكومة بريئة برائه الذئب من دم يعقوب ، وإن الحكومة محتاسه والقربه بتخر عليها من كل ناحية وإن ميراثها ثقيل وإنه واقفة عليها العملية بخسارة وإن إحنا مغلبينها ولا أرفع رأسك يا أخي نافعة ولا أخفض رأسك
يا أخي نافعة وإنها قايدة صوابعها العشرة لنا شمع وإن إحنا حالنا مايل وإيه يعدله وإنها لو مشيت مش ح نلاقي حكومة زيها تحكمنا وإن إحنا اللي زي القرع بنمد لبرة وما بيتمرش فينا الخير اللي مغرقانا فيه على رأي الشاعر ( شقق مرمية والشغل في كل حته واللحمه بسبعة جنيه وساعات تلقيها بستة ) وإن مرتبها مبروك وخمسة وخميسه عليه بيكفينا ويفيض وإن إحنا اللي قيدنا سايبه وفرطه ولا علاوة نافعه فيها ولا مرتب وإنها لو زودت المرتبات عن كدة ح نفسد ونخسر ونتلف ونتعوج وأملنا ح يخيب .
وإن الأيدي المرتعشة لن تصنع السلطة وإن الحل إنها رخصت لنا الخيار اللي إحنا مش عارفين إن كنا ح نكله ..... ولا ح نكله ...
فاعل خير
المشاركات
ليست هناك تعليقات:
إرسال تعليق