تحليل فيديو يحي السنوار في أنفاق غزة
قبل عامين (2)
الخميس، 27 نوفمبر 2025
الأربعاء، 26 نوفمبر 2025
زمن الرويبضة "الزمن الصعب"!!!
عمتم مساءاً.
أية الحكاية؟!!!
منذ عدة أيام وأنا ملازم المنزل والفراش,
ودى ثالث مقاله أكتبها وأنا مريض وملازم الفراش وحالتى سيئة.
ما علينا, المهم أية اللى أستفزنى وأنا فى
حالة مرضية شديدة, ودفعنى للكتابة.
ما أنا لسة كنت هأسألك؟ أية اللى رماك على
المر؟
للأسف, كلنا عارفين إن معظم دول العالم لا تحترم,
لا المبادىء ولا القيم, وإن كل ما تتخذ من قرارات قائمة على مصالحها الخاصة بدون
الخضوع لأى مبادىء أو قيم.
طيب, ما ده معروف, أية اللى جد على الموضوع؟
أنى صدمت فى بعض الدول التى أنضمت حديثاً للقائمة
الموسعة للأندال مع إنها كانت أبداً "مدعية الديمقراطية والمبادىء".
طيب, بهداوه كدة, وأحكى لى أية أصل الحكاية؟
بص, من البداية منذ سنين طويلة كنت فى زيارة
لصديق, وأتى جارهم وهو ظابط "مباحث أو أمن دولة", ودار نقاش بيننا عن
الإسلاميين, وكان رده: "إن الأسلاميين ينقسموا أساساً لإخوان وسلفيين, وإن
الفرق مابينهم إن السلفيين يريدوا التغيير من أسفل, أما الأخوان فهم يريدوا
التغيير من أعلى".
تمام, أشرح بقى أية معنى الكلام ده؟
أولاً: السلفيين خائفين من الصدام مع
السلطات, ولذلك مقتنعين بالقول: "مثلما تكونوا يولى عليكم", وهى تعنى
إنك تروح تشتغل على عامة الشعب من أجل أصلاحه بدءاً من صغائر الأمور, إلى أن يصلوا
يوماً ما إلى أصلاح كل الشعب, وبالتالى سيأتى من يحكمه من عامة الشعب الذى تم
أصلاحه.
طيب, مهى فكرة جيدة, أية بقى المشكلة؟
المشكلة إن ده فكر مثالى, ولما تيجى للتطبيق
على الأرض ستكتشف كوارث.
زى أية؟
لما عرفت الدولة أنهم بيهابوها, لجئت
لإستغلالهم, وإستخدامهم لتحسين صورتها, فمرة من باب إن الإسلاميين أهم مش مستبعدين
من الإنتخابات, ومرة تستخدمهم فى كنس الأصوات الإسلامية من الساحة, ولغاية لما
أفقدتهم الدولة إحترام الشعب, وأصبحوا مجرد كمالة فى المشهد.
طيب, وأية حكاية الإخوان؟
ببساطة, الأخوان يريدوا تغيير النظام من
أعلى.
يعنى تقصد بالكفاح المسلح؟
لأ, طبعاً, المقصود بعبارة "أنهم يريدوا
تغيير النظام من أعلى", بأنهم يريدوا "التغيير" بالكفاح السلمى عن
طريق ممارسة السياسة, واللعب على شعبيتهم الكبيرة "المتجزرة فى الشارع",
مما يجعلهم المفضلين "بلا منازع فى الساحة".
طيب, ما ده موقف جيد أية المشكلة؟
لا, ده مش جيد خالص, لإن مشكلة الدولة
"لو أنها لعبت لعبة الديمقراطية", فهتخسر, وتهزم هزيمة نكراء من أول
جولة, وبالتالى النتائج النهائية ستصل للمحاسبة القانونية على ما فعالوا, وتنتهى
فى أخر المطاف بالسجن.
والحل؟
رأت السلطات الحاكمة, بما أنهم سيخسروا "خسارة
مؤكدة" إذا لعبوا بطريقة نظيفة, ولذلك الأفضل أنهم يغيروا أسلوب اللعب ليلعبوا
بالطريقة القذرة.
وهى أية؟
ببساطة تجريمهم, وحظر جماعتهم, وتحويلها "لجماعة
محظورة" خارجة على القانون, وإرهابيه, والقبض على أعضائها, ومصادرة أموالهم,
ومعظم الجماعة حالياً إما مسجونين, أو هاربين فى كل دول العالم, وبتطاردهم نشرات
القبض على الإرهابيين.
وده عملته الدولة بناء على أية؟
بناء على إن "هى كدة وإن كان عاجبكم,
واللى مش عاجبه يروح يشرب من البحر", يعنى من الأخر "أنا الدولة, والدفاتر
دفاترنا والورق ورقنا, واللى أقوله هوه القانون".
طيب, ما كل ده إحنا عارفينه وحافظينه زى
عيونا, إية بقى الجديد اللى أستفزك عشان تكتب المقالة؟
الأمريكان, المتحضرين الديقراطيين أصاحب
المبادىء.
مالهم؟
إبتدوا يعتمدوا هذا الأسلوب الواطى فى
العمل, وكأنهم بدلا من يذهبوا لأزاله الضغط من على الشعوب, ذهبوا, وعملوا بكل
فجاجة العكس, "وهو حظر الطرف المظلوم, وتصنيفه (جماعة إرهابية)", بدون
أى سبب!!!!!!!!!!!!!!!!!
والحل؟
قريباً, سيحدث تدخل إلهى, وسأكتفى هنا
بالآية:
﴿ إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا
اللَّهَ كَثِيرًا وَانتَصَرُوا مِن بَعْدِ مَا ظُلِمُوا ۗ وَسَيَعْلَمُ الَّذِينَ
ظَلَمُوا أَيَّ مُنقَلَبٍ يَنقَلِبُونَ﴾ [ الشعراء: 227]
سورة : الشعراء - Ash-Shuara - الجزء
: ( 19 ) - الصفحة:
( 376 )
Except those who believe (in the Oneness
of Allah Islamic Monotheism), and do righteous deeds, and remember Allah much,
and reply back (in poetry) to the unjust poetry (which the pagan poets utter
against the Muslims). And those who do wrong will come to know by what
overturning they will be overturned.
كفاية كدة, عمتم
مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الثلاثاء، 25 نوفمبر 2025
خش فى عبى خش!!!
عمتم مساءاً.
أية الحكاية؟!!!
أنا فعلاً زهقت من "الناس اللى عايشة
فى الفيرى لاند"!!!
شكلك كدة هتكلمنى برضة على نظرية
المؤامرة!!!
لآ, مش كدة يالضبط, أنا هأحكى لك وقائع حصلت
معى شخصياً, وأنت حر فى النهاية. تقرر ماهو فيه الخير لك ولمن يخصوك.
هناك خبر متداول عن وجود فيرس منتشر فى
الأجواء.
تمام, ولكن وزارة كوكى بتنفى, إنت جبت
الأخبار دى منين؟!!!
بص, لو أنت متعود تسمع لهم وتصدقهم, دى حاجة
ترجع لك, بس أنا بالنسبة لى ما بصدقهمش حتى فى "زيرو" معلومه.
طيب, أنا معاك, "سيبك منهم", قول
لنا أنت أية رأيك فى الموضوع؟!!!
فلنبدأ من الأول.
الحكاية من فترة قصيرة ظهر خبر عن إنتشار
"كوكى 25" , ووزارة كوكى نفت, وقالت: "مظلومة يا سعادة البشا"
ده كله فقط "أنفلونزا أ" وشديدة شوية.
طيب, سيبك منهم, أنا عايز أسمع وجهه نظرك فى
الموضوع؟!!!
أصل المشكلة إن البلد منقسمة بشدة, وفى منهم
جزء بيؤمن بأن, "وزارة كوكى" لا تنطق عن الهوى, وإن كلهم هناك ملائكة
منزلين من السماء, وإننا لا يجب أن نسفه من أقوالهم.
وهناك نصف أخير, وأنا منهم, لا ألقى لقولهم أى
أهتمام ولا أستمع لهم أبداً, وبأحاول أبحث عن طرق أخرى للنجاة, وقد أفلح معى هذا
فى كل المرات السابقة.
طيب,
أية اللى أكد لك إن الوباء موجود؟!!!
لأنى مصاب به من أربعة أيام.
طيب, براحة كدة, وبالتفاصيل الممله, أحكى لى
كل اللى حصل.
من أربعة أيام كنت خارج بالسيارة ليلاً,
ونبهنى الراكب "اللى معى" لوجود حاجة مش طبيعية فى الجو, وأنا وافقته
ورديت عليه بأنه كيمتريل, بيرشه المعنين, من باب رمى بلائهم على خلق الله المسالمين.
وأخبرته بأنى بأشعر بحكة فى أنفى وعيونى
وقورتى.
وبعدها عندما عدت للمنزل, إنتهت الحكة, وظهر
حباية صغيرة فى قورتى, وأخذت حباية مضاد, وحطيت كريم "مضاد حيوى على
الحباية", ورحت لأنام.
بعدها بساعات. أفقت على حالة حمى شديدة
السوء, غير طبيعية, فلبست كثير مما عندى من ألبسة ثقيلة, وتغطيت بكل الأغطية
الموجودة بالمنزل, وظللت أرتعد بشدة, وكنت حاسس بأنى شاعر ببرودة شديدة, بالرغم من
إن إن درجة حرارتى فعلياً كانت مولعة نار.
طيب, وعملت أية بعدها, رحت للمستشفى؟
لا, ما أنت عارف بأنى لا أحب المستشفيات ولا
الدكاترة, ولا أذهب لهم أبداً إلا فى الضرورة القصوى.
طيب, ما أنت كنت فى حالة ضرورة.
بس مكنتش قادر أساعد نفسى, لك أن تتصور إنى
مكنتش قادر أجيب لى شربة مياة.
والحل؟!!!
الحل الوحيد كان إنى أجد برتكول علاج
"موجود" فى البيت!!!
وعملت أية؟!!!
شغلت دماغى, وعملت لى برتكول علاج من الأدوية
الموجودة عندى فى البيت, وأخذته.
وأية اللى حصل بعدها؟!!!
من أول ما أخذت العلاج, وكأنه السحر.
ليه؟!!!
خلال أقل من نصف ساعة إنتهت الحمى, وأنا حالياً
بتحسن بسرعة غريبة, ولكنى لم أخرج من وقتها.
طيب, إنت ليه بتحكى؟!!!
خايف على الناس, فبحكى لهم تجربتى, وكل واحد
حر بأن يصدق أم لا.
كفاية كدة, عمتم
مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الاثنين، 24 نوفمبر 2025
الأحد، 23 نوفمبر 2025
أعداء البشرية والإنسانية!!!
عمتم مساءاً.
أية الحكاية؟!!!
أنا فعلاً زهقت من "أعداء البشرية
والإنسانية"!!!
شكلك كدة هتكلمنى على نظرية المؤامرة!!!
الناس بتأخذ نظرية المؤامرة على أنها تهيؤات
وأوهام, وإن من يصدح بها هو عايم فى بحر الخيال, وغير واقعى.
يعنى أية؟!!!
يعنى مش كل نظريات المؤامرة مزيفة, وغير
حقيقية, وبعضها فعلاً حقيقى.
أدينى مثال؟
سهل جداً, وببساطة "كوكى 19",
و"كوكى 25".
مالهم؟
من صنع البشر, وموجهين لقتل البشر بيولجى!!!
يعنى أية؟
يعنى المرضين دول وجهوا لقتل البشر, ودول
ببساطة حرب بيلوجية سافلة وحقيرة على أبرياء البشر.
ليه كدة؟
للأسف الناس اللى بتحكم العالم. "عندها
رؤية شيطانية أنه يجب أن يقللوا معطم سكان العالم ليصلوا إلى المليار
الذهبى", "حتى يستطعوا أن يحكموهم"!!!
ده فكر مريض!!!
وشرير لدرجة لا تصدق, ولا تطاق.
طبعاً, فكيف يصل الناس فى درجة شرهم, أنهم يفكروا
فى التخلص من أبناء جلدتهم, ويهاجموا الآمنين, والعزل الأبرياء من البشر,
"بدون ذنب أقترفوه".
اللى أنا عايز أختم به, بإن الله
"سبحانة وتعالى", عادل "ويمهل, ولا يهمل", ومن الأخر أنتظروا رد
السماء قريباً, وإن إعتقدتوا أنكم أقوياء, وإنكم آمنين, "فأنتم واهمين",
فقريباً ستحصلوا على ما تستحقوا.
عمتم مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
السبت، 22 نوفمبر 2025
على من نطلق الذباب؟!!!
عمتم مساءاً.
أية الحكاية؟!!!
وكأننا فى عالم أخر!!!
برضة أية الحكاية؟!!!
تحدث, وكأنك ذبابة.
ما تحترم نفسك.
أنا ما أقصدش, بس العالم ده عشان تدخله, وتخوض
فى أغواره "لازمك تحط نفسك مكانهم".
همه مين؟!!!
الذباب.
أنت عايزنى على أخر الزمان "أبقى
ذبابة؟ وأقتحم عالم الذباب"!!!
مش زى ما أنت فاهم. أنت فهمت غلط.
أمال أية؟!!!
أقصد "ذبابة إلكترونية".
لا يا شيخ. يعنى أنت كدة حليتها!!!
لا, بس بستطها لك.
طيب, خلينا معاك, لغاية ما نشوف هنروح لفين.
أصل الحكاية أنا عايز أحجز لك مكانة جيدة
وسط مجتمع كبار المعرضين.
بأن تجعل منى ذبابة؟!!!
مدفوعة "الأجر", وبسخاء.
ماشى, "أنت كدة جيت لى من الحته اللى
بحبها", كلى آذان صاغية.
بس
أنا عايزك تاخد بالك.
من أية؟!!!
إنك لو أبتديت حياتك "كذبابة, وما
أضمنش لك أنت هتنهيها أزاى"؟!!!
مهى معروفة, "لو أبتديت حياتى كذبابة,
تفتكر هنهيها كعالم فى الكيمياء, ما النهاية معروفة, وفى الغالب هنهيها
كصرصار"!!!
"مدفوع الأجر", كويس أنك فاهم.
لا يا شيخ, واضح أنك حاسس بى كويس جداً,
ومقدرنى.
طبعاً, ده أنت حبيبى, وعشان كدة إنى بأحاول أأمن
لك مستقبلك.
لا, ما أنا حاسس بكدة برضه, ومطمن.
ما أصل أنت مش فاهم.
فاهم أية؟!!!
إن الذباب وبالرغم من حقارتة, ولكن عنده
فرصة فى حياة كريمة أكبر منك, ومن عالم الكيمياء.
لا, يا راجل قول كلام غير ده؟!!!
طبعاً, لأنه مقرب للسلطة, وعنده فرصة للترقى,
وتقلد المناصب الرفيعه بسهولة, وستفتح أمامه كل الأبواب.
أنا مش مصدقك.
بص, الحقيقة المجردة بدون تزويق, ولا روتوش.
"مجتمع الوصوليين والأرزقية", لا يسمح للأذكياء بالركوب أبداً.
ليه؟!!!
لأنهم سيقلصوا فرصهم فى الهبش, والهبر, وسلخ
جلود الأحياء.
طبعاً, ولكن مع الأغبياء كل شيىء سهل,
ومتاح.
ولأن ذهنهم لا يفكر لبعيد, ولا يعمل حساب
للعواقب السيئة.
تمام.
استعد بقى. عشان هيفيضوا عليك فضلاتهم.
فضلات أية؟ إحنا متفقناش على كدة!!!
آمال عايز تبقى ذبابة أزاى؟ أنت مش مقدر الموقف؟
هى الحكاية هتبدأ بالفضلات؟
مش دايماً, ولكن من طلب العلى.
فليبدأ من المجارى.
عمتم مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الاشتراك في:
الرسائل (Atom)
المشاركات
