المخلوقات ذوات الدم البارد!!!
مساء الخير.
مساء النور.
أية ده؟!!!
أية؟
مفهمتش؟!!!
أية اللى مفهمتوش؟
أية حكاية " المخلوقات
ذوات الدم البارد"؟
أسكت, لحسن دول "حكايتهم حكاية"!!!
ليه؟!!!
أصلهم مخلوقات عجيبة.
هوه أنت تقصد الزواحف؟
لا.
أمال أية؟!!!
لا, دول مش زى ما أنت فاكر.
يعنى أية؟!!!
دول بنى أدمين.
يا راجل؟!!!
بس من الزواحف.
أنت ثانى؟!!! طب, يعنى أية؟!!!
يعنى إنهم بنى أدمين من ذوات الدم البارد.
مفهمتش؟ تقصد أية؟!!!
يعنى باردين, وبلطين, وكلحين, ويخلوك كل ما
تشوفهم تلبس فى مصيبة, أو فى الحيط.
ياترى مين زعلك النهاردة؟!!!
مين قالك إنى زعلان؟
كلامك.
هوه حكالك؟!!!
أه, تخيل؟ زعلان منك!!!
ماشى يا عم هنشخصه.
مين ده؟ ويعنى أية؟!!!
يعنى هنسمى اللى مزعلنى.
مين همه؟
أولاً عندى دور برد فظيع.
متهزرش. عشان أنا بأتكلم جد؟
من الأخر "المنافقون".
هوه أنت تقصد اللى كانوا فى عصر الرسول
والصحابة؟!!!
لا يا عم, أنت تقصد عبد الله بن سلول,
وأخوانة؟
أه, يعنى.
لا, دول لم ولن يكونوا مؤثرين على عصرنا.
يعنى أية؟!!!
يعنى دول قصص بتحكى واقعياً ذات خلفية دينية
"للموعظة وضرب الأمثلة" لأجيال معاصرة لم تحضرها.
أمال تقصد مين؟!!!
أنا أقصد الموجودين فى العصر الحالى.
هوه إحنا مش بنسميهم الآن
"المعرضين"؟!!!
لا, مش همه, دول فئة ثانية.
أية أوصافهم؟!!!
تقصد أوصاف جسدية, ولا سمات الشخصية؟
هوه لهم أوصاف جسدية محددة؟!!!
لا.
أمال حطيتها فى السؤال ليه؟!!!
بأختبر ذكائك, أعتبرها مناوشة.
طيب, أية سماتهم الشخصية؟!!!
دى ناس رايحة وجاية معانا فى الشوارع
والطرقات وبتصلى وبتصوم, وبتروح الجامع.
مهى معانا أهه!!!
شكلياً, ولكنهم بيهتموا بالقشور والشكليات, وعلمهم
من الجوهر ضئيل, وأتباعهم له بصورة "شكليه منزوعه من المحتوى", ولذلك عند
مناقشة أى مسئلة عميقة "بتلاقيهم مش فاهمين حاجة فى الدين, أو على الأقل
فهمهم لا يتعدى القشرة".
يمكن فهمهم على قدهم؟!!!
ممكن, بس "على فكرة" أنا بأحترم جداً
الناس البسطاء, اللى فهمهم على قدهم", وعشان كدة بأحاول قدر الإمكان التبسط
فى الشرح والكتابة عشان أوصل لهم, بس الناس دى مختلفة عنهم.
أزاى؟!!!
دول بالرغم من فهمهم السطحى للأمور, إلا
إنهم بتلاقية بيقحموا نفسهم ورأيهم على الناس "من أجل الحصول على منفعة أو
خدمة".
يعنى حاشرين مناخيرهم فى كل حاجة, "ما
دول يبقوا الجهلاء"؟!!!
لأ, الجهلاء غير.
مين هم؟!!!
دول عندهم حته شوية من التعصب لمنطقهم زيادة
عن المنافقين, "وهم لا يرغبوا فى مصلحة من وراء أقوالهم وأفعالهم".
يعنى أية؟!!!
يعنى دول جهلة من أجل الجهل وبس, ولا يحصلوا
على أى مقابل أو منفعة من أفعالهم أو أقوالهم.
يعنى لا هم جهلاء, ولا معرضين, طب يبقوا
أية؟!!!
يبقوا فئة مختلفة "من الأرزقية وأصحاب
المصالح".
أه, فهمت.
بس لاحظ إن هناك من يجمع بين أكثر من صفة من
هذه الصفات السيئة.
طيب, أنا مفهمتش أية مشكلتك معاهم.
سلوكهم السىء, ونتائج تصرفاتهم بتنعكس علينا.
طيب, أية الفرق بينهم وبين البسطاء؟!!!
البسطاء يملكوا "حسن وصفاء النية".
يا راجل, طيب, أية دخل "حسن
وصفاء" فى الموضوع؟!!!
روح أتعلم القراءة عشان تفهم كويس, وتعرف تناقشنى.
يا عم ما تخدهاش جد قوى, ده أنا بأهزر معاك.
ماشى الكلام.
يله, تصبح على خير.
وأنت من أهله.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/AlMayadeenNews/status/2059725109766640024
https://x.com/AJArabic/status/2068161427735556372
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق