يا عيب الشوم!!!
مساء الخير.
مساء النور.
أية ده؟ لية كده؟ عيب أية؟ وأية معنى "الشوم
دى"؟ هوه ده اللى بتاخد به على دماغك فى الخناقات!!!
لا, أنت فهمت غلط؟ ده شوم ثانى!!! أنت عارف
طبعاً إن كان زمان بيسكن وبيعيش ما بينا أجانب كثير, ودى جاية من اللسان الأجنبى,
وهى كلمة محرفة ومقتبصة من "شيم" بمعنى عار, اللى حرفت مع الوقت لتصبح
الشوم, المهم إن المقصود بها "العيب العار".
وأية اللى جاب العيب والعار هنا؟!!!
هوه بصراحة مش جه لنا, ولكنه جه هنا.
مفهمتش؟!!!
أصل جيرانا همه اللى بيقولوا كدة.
بيقولوا أية؟!!!
بيقولوا: يا عيب الشوم, نبقى أهل وجيران
ولما نكون فى محنة, تعملوا معانا كدة؟
هوه أية اللى عملناه؟ مفهمتش؟!!!
يعنى يبقوا وهم فى ظرف طارق, وبيعبروا المعبر, تقوموا تزودوا عليهم رسوم العبور؟
برضة مفهمتش أية اللى مزعلهم, مهى دى العادة
عندنا, وبعدين مين طارق ده؟!!! يكونش طارق بتاع قانون الطوارق؟!!!
لأ, ده طارق غيرة.
تعرفه؟
لأ, مش صاحبى, وبعدين أنا أحب أبشرهم بأن كبير
البلحوية, المرطب بنفسه رفع عنهم الرسوم.
وليه عمل كدة لمؤخذة؟!!!
لأن ما يصحش كدة!!!
مفهمتش؟!!!
أصلهم أهله, وحبايب القلب من جوه.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق