تحليل فيديو يحي السنوار في أنفاق غزة
قبل عام واحد
السبت، 31 يناير 2026
الجمعة، 30 يناير 2026
يا
محاسن الصدف!!!
يا محاسن الصدف!!!
عمتم مساءاً.
أية الحكاية؟ أية اللى جايب محاسن عندنا؟!!!
استنى, الحكاية مش حكاية محاسن ولا حتى
الصدف.
أمال أية الحكاية؟
تخيل الصين وروسيا وإيران بيجروا مناورات فى خليج
هرمز حالياً.
ودول أية اللى جابهم الأن؟
بيقولوا أنها مناورات دورية.
دورية ومحاسن "الأثنين", باين
عليهم بيشتغلونا.
ما أنا برضة قلت كدة.
طيب, تفتكر هيحصل أية لو قامت الحرب فى
وجودهم فى المنطقة؟
هيكون غباء "مركب" من توتو والنتن
لو عملوا ذلك.
ليه؟
لأنهم بالتأكيد هيسعدوا إيران فى الدفاع عن
أرضها.
تقصد "هيخشوا الحرب معها"؟
فى الغالب لأ, لو لم توجه لهم ضربات مباشرة؟
أمال هيسعدوها أزاى؟
بالردار والأقمار الصناعية, ومشاركة المعلومات
الأستخبارية, والخبرة القتالية من عين خبيرة "وسط المعركة".
تفتكر أنهم رايحين صدفة؟
لا صدفة ولا محاسن, "الحاجات دى لا
تصدق فى الحروب".
طب, ليه توتو مبدأش الحرب لغاية الآن؟
لأن القوات الموجودة فى المنطقة تعتبر
"هزيلة ولا تكفى", وإن القيام بحرب بها سيعنى الهزيمة المؤكدة.
تفتكر أنهم عارفين كدة؟
طبعاً, الجيل الحالى اللى بيقود مؤسسات امريكا
من الجيل زد, وهو جيل ديجيتال أصيل.
مفهمتش؟
يعنى بيستخدم الكمبيوتر بشدة فى كل حاجة,
وأى حرب بيقوم بها, بيعملها الأول على السميليتور.
يعنى أية؟
يعنى السميليتور شكله سب لهم "لما
دخلوا المعطيات الحالية فيه".
مفهمتش.
يعنى فهمهم بالبلدى أنهم بالمعطيات والداتا
الحالية, "مؤكد أنهم هينهزموا".
معقولة؟
والمشكلة الكبيرة إن النتن طلع وطلع معاه
توتو الشجرة.
تلاقيهم مزنوقين فوق ومش عارفين ينزلوا؟!!!
لأ, وممكن يكون توتو قاعد يسب للنتن عشان
ورطة "فى الحكاية دى".
طيب, ما يعملوا أية ضربة والسلام "لحفظ
ماء الوجه"؟!!!
لأ, مفيش ضربة ممكن تكون حافظة لماء وجههم,
إلا إذا كانت ضخمة وشديدة وقاصمة, تجعلهم ينتصروا ويكسروا عظام إيران, ويخرجوها من
المعادلة.
يعنى أية؟
يعنى إن لم يستطيعوا حشد قوات كافية
"لعمل ضربة قوية", فالخيار الدبلماسى "سيكون حل أفضل".
أزاى, بعد كل التهديدات اللى عملوها لإيران؟
نعم, لأن أى ضربة ستؤدى لرد "صاعق"
من إيران, وهزيمة ومؤكدة وظاهرة ولا يمكن إنكارها, وبالتالى سيفقد المهاجمين
هيبتهم فى المنطقة, وسترث "إيران" نفوذهم فى المنطقة.
طيب, ما توتو فى كل خطاب بيهدد وبيقول إن
أسطول مهم وكبير قادم للمنطقة؟
كلام حشو, أو زى ما بيقولوا "طق
حنك" من أجل دفع الدبلماسية "الضائعة", لأن كل اللى وصل للمنطقة,
"مجرد مدمرة واحدة لإيلات".
طب, ما ممكن تكون مؤثرة؟
أه, لو حطوها فى الردة.
طيب, أنت كنت متوقع "من الأول" أنهم
يصلوا لكدة؟
أنا توقعت "هزيمة توتو والنتن فى هذه
الحرب", وممكن تقرأ هذا واضح فى مقالاتى السابقة, ومازلت بالمعطيات الحالية
"بأتبناه".
معقولة؟
أه, ولأنهم كانوا متوقعين العكس "طلعوا
الشجرة", ولكن تلاقى السميليتور طلع نتائج عكسية, ولذلك شكلهم مصدومين,
وبيحاولوا ينزلوا عنها بالمفاوضات.
مفاوضات أية؟
النهاردة كانوا بيتفاوضوا بطريقة غير مباشرة
فى تركيا.
أه, فهمت.
,,,,,,,,,,,,,,,,,,,,,,,,,,,,,,,,,,,,,,
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
أية
المشكلة؟!!!
الأصل والنسخة البديلة!!!
عمتم مساءاً.
أية الحكاية؟ جايب لنا أية النهاردة؟!!!
جايب لنا أية النهاردة؟ هوه, أنت فاكرنى
ساحر "بقول جلا جلا"!!!
لأ, أنت أكثر من كدة. أنت بتقول حاجات
وبنلاقيها مع الزمن بتتحقق!!!
بس ده مش سحر. دى مجرد توقعات مبنية على
"العقل والمنطق".
بس النتيجة واحدة.
آه, النتيجة واحدة, ولكنهم "فى
الأصل" حاجتين مختلفين, عموماً, أنا شاكر لك أنك فتحت الموضوع "عشان أنا
عندى حاجة عايز أقولها فيه".
عن أية؟
عن الأصل والنسخة البدلية. "وأشار على
نفسه وصديقه".
أشكرك على ذوقك.
من بعض ما عندكم.
فين أيام زمان؟
أيوة, أيوة, أيام ما كنتم بتشتروا اللحمة
بالطن, والسجق بالمتر.
أنت هتتريق. حقك, أصل أنتم ما شفتوش أيام
خير.
طيب, بالمناسبة وعشان رمضان داخل علينا, كنت
عايز أسئلك سؤال.
هاته يا فتى.
تفتكر البلح اللى عندنا هيصمد لأخر رمضان؟
معتقدش.
بس أنا مش عارف هيعملوه خشاف أزاى؟ وهوه
شكله سوس وطعمه وحش.
ما علينا, خلينا فى حالنا, أية اللى كنا
بنقوله؟
على فكرة أنا سعدت كثيراً لخروج الباحث /
هانى محمود من اللى كان فيه, حمد لله على السلامة.
تمام, كويس أنه هيقضى رمضان ده وسط أهله.
تمام. خلاص, رجعنا لموضوعنا, "الأصل
والصورة".
لأ, أنا مقلتش كدة, أنا قلت "الأصل
والنسخة البديلة".
متفرقش؟
دى تفصيله بسيطه.
لآ, الفرق كبير, ولا تنسى الشيطان يكمن فى
التفاصيل.
طيب, أية الحكاية؟ وأية الفرق ما بينهم؟
"النسخة البديلة ممكن متكونش صورة من
الأصل, وحتى أنها ممكن ما تكونش تشبهه خالص"!!!!!!!
يعنى أية؟
يعنى الشيطان دائماً عنده "النسخة
البديلة" التى يحاول إبدالها بالأصل, وإقناعك "بأنها هى الأصل, وإن
الثانية هى الصورة".
لما؟
لتحقيق غاية فى نفسه, هو يرغبها, وتحقق له
مصلحته.
يعنى أية؟ مفهمتش!!!
هناك حرب دائمة وأزلية قائمة بين الشيطان
والإنسان, ويستخدم فيها الشيطان كل قوته وسحره ويساعده فى ذلك كافة أتباعة من الإنس
والجن.
وهل هو بينجح فى ذلك؟
غالباً ما ينجح, وأحياناً بيفشل, ولكن لو
كنت ذكى كفاية ومؤمن شويتين, هتتكتشف أخطائه وستعرف أغراضه.
أنا فهمت إن ذكائك هيساعدك, ولم أفهم أية دخل
الإيمان فى الموضوع؟
عشان ربنا يساعدك وينور لك بصيرتك.
طيب, وهتعرف منين؟
من التفاصيل, فدائما وأبداُ القصة تدور حول
التفاصيل البسيطة.
زى أية؟
زى, وهأعطى لك مثل من أعمال البشر.
تقصد شياطين الأنس؟
نعم,
زى لما خرج قرار للأمم المتحدة بشأن الأنسحاب من الأرضى المحتلة بعد 48 , وكان الأختلاف
على أداة التعريف "الألف واللام" فكلمة الأرض إن لم تكن معرفه "فهى
لا تعنى كامل الأرض, ولكن أى جزء منها يكفى".
وهلما جره, فعلى مدى التاريخ حدثت تحريفات
للكتب والديانات سماوية بشكل مماثل وممنهج "على طول الخط".
وهكذا فقد ذهب الشيطان دائماً وأتباعة
للتفاصيل "لتشوية الحقيقة", ولو بدأنا مبكراً فى التاريخ, وذهبنا إلى
الفراعنة اللى حولوا أنبيائهم ورسلهم إلى آلهه, بدءاً من أدم اللى تحول للأله
أتوم, وحواء إلى ألهه أيضاً بنفس الأسم, ونوح وابراهيم, وأدريس اللى تحول للآلهه أوزريس,
وحولوا كتابه السماوى لكتاب الموتى.
وأية كمان؟
مثال لتحريف النصوص, عندما أضافوا فى النص
الأصلى بعد كلمة أبنه البكر اسحاق, فالنص الأصلى قد وقف عند أبنه البكر, لأن الكل
يعرف إن الأبن البكر هو اسماعيل, ولكنهم عندما أضافوا أسحاق للنص, ذهب كل تاريخ
اسماعيل ونسب إلى اسحاق, فأصبح عندهم هو الذبيح, وخلط "بسبب هذا
التحربف" بين جغرافيا مكة والقدس, فأصبح "جبل المروة" الذى كان سيذبح
عليه اسماعيل, هو جبل الصخرة فى القدس, ومع التحريف أطلق عليه اسم "جبل المورية",
واللى يغيظك بأن بعض الباحثين التافهين يرددوا ما هو أصلاً تحريف على أنه أصل.
ومن التحريف أيضاً ترجمة الأسماء لأخفاء
الأصل, فالأصل فى الأسماء أنها لا تترجم, فعندما ترجم اليهود النص المذكور فيه إسم
نبينا, ترجموا الأسم بالمعنى فتحول الأسم إلى معنى ولكنك لو ذهبت إلى الأصل لوجدت
الأسم موجود.
طيب, وأية المشكلة؟ ما إحنا بنعرف أية الأصل
وأية التحريف اللى حصل فيها.
لأ, إحنا بنعرف بعض الأصول, ولم نعرف كل
الأصول فهم فعلاً قد نجحوا فى مهمتهم أحياناً, وطمروا الأصل وما بقى لنا فقط هو
النسخة البديلة, والتى أصبحنا نعتقد فعلاً أنها هى الأصل.
طيب, ما إذا كانت نسبة التحريف قليلة, فيمكن
تقبلها, والتعايش معها.
لأ, أولاً النسبة غير معروفة, وحتى لو كانت
نسخة واحدة مستبدلة, أو حتى حرف واحد فهى كثير "لأنه ليس كلامنا ولكنه لنص
سماوى", ولكن المشكلة الحقيقية والأكبر, هى أننا لسنا الأغلبية حتى "بين
الناس", ولكن الأغلبية هى للأسف "للمخدوعين".
تخيل إن أكثر ما تجرؤوا عليه هو الذات
العليا, فلقد تجرؤوا على التوحيد, فقال اليهود "عذير ابن الله", وليغفر
لى الله ما ذكرت, فليس ناقل الكفر بكافر.
واللى زاد وغطى إن المسحيين أقطفوا خطاهم,
فكيف إنهم قالوا على نبيهم "عيسى بن مريم" بأنه ابن الله سبحانة وتعالى,
وحاشى لله أن يكون كذلك, فإذا كان الله سبحانة وتعالى هو الأب الروحى للبشرية,
ولكنهم ذهبوا للأبعد, "وهو أنه الأب البيولجى له", وإستغفر الله عما قلت,
ولكنى مجرد ناقل له ولا أؤمن به, ولا أفهم إذا كان هو كذلك فلما نسبوه فى اسمه
لأمة وليس لأبية, فقد تعارف البشر على مدى العصور بنسب الطفل لأبية, فحتى حالياً
فى بعض الحضارات الغربية عندما ينسبون "الأطفال الغير معروفة أبائهم للأم,
فيذهبوا فى ذلك للقب الذكرى للأم ويطلقوه عليه", بمعنى أنه ينسبوه إلى لقب
أمه, وليس بأسم أمه الأنثوى.
يعنى أية؟
يعنى أزاى تقولوا عليه أنه أبن الله, وأنتوا
مسمينه "عيسى بن مريم"؟؟؟؟؟؟؟؟!!!!!!!!!
,,,,,,,,,,,,,,,,,,,,,,,,,,,,,,,,,,,,,,
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الخميس، 29 يناير 2026
الأربعاء، 28 يناير 2026
على
هامش الحرب الإيرانية الأمريكية!!!
نقل مباشر ليوميات العركة بين امريكا وإيران!!!
عمتم مساءاً.
أية الحكاية؟ هوه ده المسلسل الجديد؟!!!
باين عليه.
مش كانوا هيعرضوه فى رمضان؟ ليه أستعجلوا
عليه؟
أصل الناس بتستعجلهم كل يوم عليه, وبعدين هم
لاقوا أنهم لو سبوه لرمضان ممكن يحمض, وإحتمال يبقى بايخ, فعجلوا به.
خير عملوا, بدايته أية؟
خش, خش,,, خش برجالتك يا نتن؟!!!
أية الحكاية؟ هم داخلين عركة؟
يا عم أصبر على, "دى أمسية من وحى الصراع
الإيرانى الأمريكى".
,,,,,,,,,,,,,,,,,,,,,,,,,,,,,,,,,,,,,,,,,,,,,
مساء النور,
نعم.
مخزن المعلم النتن أتسرق, ومفيش حد سرقه
غيرك يا معلم.
أية ده؟ هوه النتن بقى له مخزن؟
أيوة. عمله من عرقه وشقاه.
أنا عايز بضاعته, يا أما هأخد عمرك.
ما شاء الله, وبقى فيه بضاعة كمان؟!!!
أيوة, نظام نأرزة دى ولا أية؟!!!
مش, عاجبك كلامى ولا أية؟!!!
أنت كلك على بعضك مش عاجبنى, فاهمنى ولا لأ؟
وأنت وشك البيبى فيس, برىء, لكن أه, شكلك
حرامى, وحق النتن لازم أخده, وهأخده بدراعى, فهمنى, ولا لأ؟ وإن مكنش عاجبك, أنا
هلزقك على قفاك, فهمنى, هلزقك على قفاك, يعنى أية؟
يعنى أنت جاى تهددنى هنا بقى فى محلى؟
أنا مبهددكش, أن بقولك: "هلزقك على
قفاك, قدام رجالتك", وأنى معاى رجالتى, فهمنى, "معاى رجالتى", يعنى
أية؟ يعنى مش لوحدى, فهمنى, يا شبيه لطفى, فهمنى.
خش يا نتن, خش,,, خش برجالتك يا نتن؟!!!
أية؟ بتستقل بى ولا أية؟
توتو.
لا, ده أنا المعلم توتو, استنى ,,,, قوم
أعمل حاجة, "دافع عن نفسك, مش عايز أمد أيدى عليك, مش قادر", قوم نادى
رجالتك يجوا يقفوا قصادنا, "قدام رجالتى", بص, بصلهم, بص للشرر اللى
طالع من عينيهم.
توتو.
قوم, قوم, بتسرق أخويا وحبيبى النتن, لا,
إحنا ورانا رجاله, شباب زى الـ,,,,,؟!!!
أية يا نتن؟!!!
توتو.
فين الرجالة؟ واقفين برة؟!!!
ملقيتش حد.
خليها معاك, ملقتش حد أزاى؟!!! ده أنت قلت
هجيبلك 200 نفر؟ من الحتة!!!
رحت
القهوة, لقيتها قافلة, وبعدين يا توتو, محدش رضى يجى معايا, بقولك أية؟ هوه أنت
غلطت فى المعلم؟
غلطت أية؟ أنا وصلت للنهاية.
هأهأهأ.
بتضحك على أية؟ أنا وصلت للنهاية, أنى مش
عارف أية اللى جرى لى, طلعت منى جملة كدة "غصب عنى", قلت له: "أنا
هلزقك على قفاك".
طيب أمسك.
لأ.
خايها معاك تعمل لك قيمة, أسمعنى يا نتن,
مفيش أى حد برة؟ مفيش أى حد برة؟
لأ.
بس, أنا فى ورطة يا نتن, أنا فى ورطة, بتضحك
على أية؟
بدل ما أعيط على اللى هيجرلنا.
بس, منظرنا وحش, منظرنا وحش, أية دى؟ إضحك, إضحك,
إحنا عادى, "مفيش حاجة, مفيش حاجة "!!! أسمعنى, أنا مش عارف أبنه سمع
الشتيمة ولا لأ؟ ده أبنه الحوثى, وأنت عارف الحوثى, "صواريخة طارشة",,,,,,,,,,,,, روح أعتذر
له!!!
طب, أنا هكلمه, وأنت روح أخبطه على دماغة.
هأخبطه أية؟
هوه طيب والله.
كلمه, كلمه يا توتو, هفهمك حاجة, أنى ممكن
أخد خبطة أروح فيها, عشان أساعدك, قوله إن أنا ما أقصدش. قوله إن أنى مجنون, بتطلع
منى حاجات فلتات, عشان خاطرى,,,, ما تقولوش حاجة, سيبه لضميرة.
باى باى يا توتو, باى باى.
باى باى.
توتو.
باى باى.
توتو.
خليك عندك.
توتو, أه ه ه ه ه ه ه ه ه.
,,,,,,,,,,,,,,,,,,,,,,,,,,,,,,,,,,,,,,
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
الاشتراك في:
التعليقات (Atom)
المشاركات
