سيف
الحياء!!!
سيف الحياء!!!
عمتم مساءاً.
النهاردة أنا مش جاى لى نوم "مع أنى عملت كل شيىء, وأخذت كل الأشياء
اللى تساعدنى على النوم, ولكن مفيش فايدة", ولذلك أنا قررت أسليكم شوية, وأبعدكم
عن السياسة, وأحكى لكم قصة طريفة من الغربة, وعن الشخصيات الغريبة التى تعيش هناك.
وأنا عشان القصة حقيقية فلذلك هغير الأسماء فيها حتى لا تعرف
الأشخاص, والقصة فيها صديقى “خالد”, وهو صاحب مطعم مأكولات سريعة صغير فى دولة
أوروبية غربية, وصاحبه “حسن”, وأنا بأعتبره من الطفيلين.
المهم, أنا كنت عند “خالد” قبل ما يفتح محله بقليل, عندما وصل “حسن”,
وبعده بلحظات دخل مورد المشروبات جايب طلبيه يسلمها ”لخالد”, وحاسب عليها وخرج, وكانت
الطلبية بإرتفاع الصدر, وموقعها بين “خالد” و”حسن” , فسند عليها “حسن” يده, ليعطل “خالد”
من أن يدخلها للداخل قبل أن يبل ريقه منها, "ولاحظ إن المشاريب جاية ساخنة من
مخزن المثلجات", وكان على وشها كرتونة
مغلقه من مشاريب الطاقة, "وهو مشروب طاقة طعمة مقبول وهو بارد وغير مقبول وهو
ساخن", وهو لا يشرب فى الأوقات العادية, ولكنه معمول عشان يرد لك العطش بسرعة
شديدة مع إحتيجاتك من الأملاح التى فقدتها, أسرع من المياة العادية, فى حالة
ممارسة الرياضة.
المهم, أنا رأيى فيه, إنك ستشرب زجاجة واحدة منه بصعوبة شديدة, إن لم
تكن مصاب بعطش شديد, وإن لم يكن المشروب بارد!!!
ولن تتخيل, إن "حسن" تعدى قدرات البشر, فقد فتح الكرتونة, وشرب
وهو بيحكى ويشتكى لى مر الشكوى من “خالد” وعمايله, "كرتونة كاملة ساخنة من 24
زجاجة حته واحدة", وعلى بق واحد من باب الطفاسة!!!
وأنا قاعد أتفرج على الأثنين
بإستغراب شديد, فالأول بالرغم من أنه حريص جداً, ولكنه لم يجرؤ على أن يقول له
كفاية, والثانى تخيل مقدار طفاستة "أنه شرب 24 زجاجة مشروب طاقة ساخن"
الزجاجة حجمها تقريباً ثلثين زجاجة المياة "على بق واحد"!!!
وأنا بصراحة كنت واقف أتعجب من اللى بيحصل قدامى, فهو موقف فوق قدرات
البشر, "أنك تشوفه أو تستوعبه"!!!
المهم, واللى تستغرب له إن “حسن” كان مصاب بفيروس " C " وبيتعالج منه "طول
عمره", بس أنا مكنتش مقتنع بكدة, فأنا كان رأيى إن الفيرس هو اللى أتبلى ”بحسن”
, لما دخل جسمه, وإنه كان بيلعن اليوم اللى دخل فيه جسم “حسن” , وأنه تاب وأناب
وعرف غلطته ومش هيكررها ثانى أبداً!!!
المهم أنكم فاكرين طبعاً إن “حسن” ده شخص ثمين, فى الحقيقة لا, لأنه شخص ذو جسم
عادى جداً, وتستغرب كمية الأكل اللى هوه بيكلها فى طقة واحدة, "إنها ممكن تكفى
قبيلة لمدة أسبوع", يعنى مثلاً لو حب يتغدى محشى, فبيعمل من ثلاثة لأربع حلل
متوسطة محشى, وقبل ما يقوم من قعدته بيكون أكلهم, وعلى فكرة "ما تقعدش فى وشه لما يكون جعان"!!!
المهم, طبعاً أنتوا عايزين تعرفوا أية اللى هوه كان بيشتكى لى ويحكى
لى عن صاحبة “خالد”, وهوه بيشرب كرتونة كاملة من مشروب الطاقة ساخن!!!
بإختصار هوه كان مبقوق من “خالد”, وبيشكى مر الشكوى منه عشان “خالد” كان
زهقان فى يوم, وقرر يكلم “حسن” عشان يسليه, "وياريته ما عمل كدة", فسأله
“حسن”: أنت بتعمل أية؟
فرد عليه أنه هيطبخ عشان يأكل.
فسأله هتطبخ أية؟
فقال له: محشى؟
فقال له: طيب ما تيجى تطبخهم هنا عندى, ومنها نتسلى, وإحنا بنتكلم,
وكل عندى, وأمشى بعدها.
فسأله “خالد”: أنت جعان؟ هتاكل معى؟
فقال له “حسن” : لا.
متنسوش, أنا قلت لكم إن “خالد” شخص حريص, يعنى عنده كل حاجة بالجرام.
فراح له “خالد” ببذنجانة واحدة وفلفلاية واحدة ومتين جرام رز.
وطبعاً “حسن” كان هينجلط لما
شافه, لأنه عامل حساب أنا قال أه, "مش عايز أكل", بس ده معناه أنه ممكن
ياكل حله واحدة "مسح زور" على الأقل.
وهوه كان عامل حساب إن “خالد” على الأقل هيعمل حله واحدة محشى, وأنه
بالرغم من نفسه المسدودة "هيكلها كلها منه", وممكن هيترك "لخالد”
بذنجانية واحدة وفلفلاية من الحلة عشان يسد بهم جوعه, ولم يتوقع أبداً اللى عمله “خالد”,
بصراحة كان فوق تصوره.
طبعاً, "كانت مأساة لا تحكى", لإن "حسن حصلت له بسبب هذه الفاجهة" مجاعه لايمكن تصورها.
يعنى هوه ناقص فجعه!!!
عمتم مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق