عشان
تبطلى تطبخى قلقاس!!!
https://hemms.blogspot.com
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
عشان تبطلى تطبخى قلقاس, وتعملى تلبك معوى
للناس!!!
عارفين أغنية "عشان تبطلى تاكلى جلاس" بتاعة "محمد عبد
الوهاب وراقية إبراهيم", الجاسوسة اللى كان أسمها أصلاً "راشيل",
والتى كانت وراء قتل عالمة الذرة المصرية "سميرة موسى" فى امريكا!!!
ما علينا, المهم أنا سمعتها اليوم فى الراديو, وبعدين خطر على بالى
سؤال:
تفتكروا هتبقى شكلها أية لو عملنا منها نسخة حديثة حالياً بلغة
العصر!!!
فلتكن "يوميات زوجين معاصرين"!!!
وهم من العيار المعتاد, وبيواجها
معاً مشاكل الحياة المتلتله!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
البداية: مشهد نهار داخلى: الزوج راجع كالمعتاد مكفهر الوجه منتفخ
الأودج مع مزاج سيىء, وتوشك شراينه على الأنفجار, والزوجة منتظراه بفارغ الصبر
عشان تحكى له على ملخص المشاكل والمصائب التى حدثت لها على مدار اليوم!!!
الزوجة: عملت أية؟!!!
الزوج: الحمد لله, روحتهم على البيت بعد ماعملوا لهم غسيل معوى,
وحطوهم تحت الملاحظة ثلاثة ساعات, ثم كتبوا لهم على خروج, وأدوهم شوية علاج!!!
الزوجة: الحمد لله, ربنا ستر!!!
الزوج: فعلاً ربنا ستر, بس ناخد بقى بالأسباب!!!
الزوجة: يعنى أية؟!!!
الزوج: يعنى تبطلى تطبخى قلقاس!!!
الزوجة: ليه كدة يا حبيبى؟!!!
الزوج: عشان بتعملى تلبك معوى للناس, والنهاردة لحقناهم "مش
عارفين بكرة هيحصل أية"؟!!!
الزوجة: يا حبيبى ده أنا كنت عايزة أوريهم شطارتى!!!
الزوج: ما هم شافوها, وربنا ستر!!!
الزوجة: ده أنا كنت عايزه أعملهم جنبه نجرسكو, بس الوقت مساعدنيش!!!
الزوج: الحمد لله "إن ده محصلش", وده من ستر ربنا عليهم,
"لسة مكتوب لهم عمر"!!!
الزوجة: خلاص يا حبيبى, المره الجاية هأطبخ لهم حاجة ثانية خالص!!!
الزوج: بصى يا حبيبتى, لو ربنا مد فى عمرهم "إن شاء الله",
مش هيكون فيه مره جاية تطبخى فيها لهم أى حاجة ثانية خالص!!!
الزوجة: يعنى أية؟!!!
الزوج: يعنى المرة الجاية هنطلب لهم أكل جاهز, "ما أنا مش
مستغنى عنهم"!!!
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق