إنهم يدعون لدين جديد!!!
إنهم يدعون لدين جديد!!!
خسأت, ثكلتك أمك!!!
ما هذه الرائحة, ألا تستحم يا رجل؟!!!
تخيل يا مؤمن أنهم عملوا دين جديد , وكل حاجة فيه كاجوال
وزى الفل!!!
أصل أنتوا هتقرفونا ليه, وإلتزمات وتعليمات وصلى وزكى
وصوم, وروح أستحمى, وتطهر من الجنابة, وأتوضى عشان تصلى, وغطى العورة, وأخشع, وتحرى
القبلة,,,,,, وووووإلخ إلخ!!!
أية يا عم, زهقتونا, كفاية بقى!!!
طيب, دى الناس جايبة لكم دين على مقاس رغباتكم, وكاجوال
أخر حاجة ومن بابة!!!
أول حاجة فيه كدة:
مفيش حاجة إلزامى!!!
وثانى حاجة:
عايز تصلى من غير وضوء "ماشى", من غير ماتستحمى
" برضة ماشى ", من غير ماتتوجة على القبلة "مفيش مشكلة", من
غير أمام "ماشى", وحتى لو هيأمك فيها أبليس "مفيش مانع", يعنى
حاجة بقى زى الفل, وغطيت العورة ولا ماغطتيتهاش, أنت ملكش دعوة, خليها تتهوى!!!
وبعدين أنت "متزمت" ليه؟ ما مفيش أى مشكلة,
متبقاش دقة قديمة!!!
طيب هيه أية الحكاية؟!!!
أنت ليه واخدنا على مشمنا كدة ياعم الحاج, ما تستهدى
بالله وتصتبح وتقول ياصبح, هوه أية اللى حصل؟ أنت ليه صحيتنا, ما كنا نايمين!!!
ما أنا قلت لك فى الأول " إنهم يدعون لدين جديد"!!!
وكمان يدعون لإتفاقية جديدة!!!
يعنى "تخيل" أنت كدة هتأخذهم ملفوفين كدة فى
سلفانة واحدة "وان بكج", إتفاقية, وبيع, ودين, ودين, وتطبيع, وما تفكش
اللفة لتنقل بركتها!!!
طب, أتفاقية وتطبيع, "دى مفهومة", ودين أنت
شرحت, يتبقى البيع والدين هوه إحنا هنبيع أية؟!!! وهنبقى مديونين ليه؟ ما إحنا
بيعنا كل شىء "عشان نسد ديونا"؟!!!
بصراحة ومن الأخر هم عايزين يخرجوك من الدنيا زى ما دخلت
فيها؟!!!
لأ, وكمان هتخرج منها مديون!!!
يعنى كويس لو من كرمهم تركوا لك "الإشى" تستر
به نفسك!!!
يعنى اية؟!!!
يعنى كويس لو سابو لك "الأندر" تروح به!!!
يعنى أنت ممكن تصحى الصبح تلاقيك عديم كل شىء!!!
لأ, وكمان فوق كل ده مديون!!!
طيب, وراحت فين فلوس كل الحاجات اللى أتباعت؟!!!
فى البزخ والسفة اللى أنت عايش وعايم فيهم طول عمرك!!!
أية ده, أنت تقصد أنهم هيبيعوا كل شىء, وإحنا نايمين ومش
واخدين بالنا!!!
أية, أية؟ هوه فيه حاجة فى كلامى بتشير إن ده هيحصل فى
المستقبل, يا متخلف أنا بأتكام عن التاريخ والماضى الأليم!!!
تاريخ أية؟ أنت تقصد فراعنة وكدة؟
أيوة بالضبط, أيام أخو نا فتوت بن نخلة.
أنت, يظهر إن نيتك سودة, وهتودينا فى داهية!!!
وهنا سكت هتموت عن الكلام.
,,,,,,,,,,,,,,,,,,,,,
بقلم
هتموت من الشمس
المشاركات
ليست هناك تعليقات:
إرسال تعليق