على أبواب القدس!!!
https://x.com/TalatWbas/status/1949268602776871049
https://x.com/Hamedalalinew/status/1949501449903153209
https://x.com/athmane_dza/status/1949591264602501367
على أبواب القدس!!!
من
فترة قصيرة مضت أجرى النتن حديث تلفزيونى, وهرتل فيه كعادتة عن أنه بيسير
فى تحقيق أحلامه بالكيان "من النيل للفرات", وأنا شفت إن حديثه يومها
هايف جداً لدرجة أنه "أقل من إن الواحد يرد عليه لهايفته الشديدة", يعنى
خسارة الواحد يضيع وقته فى الرد على شوية هرتله!!!
وساعتها رددت فقط على نقطتين فى الحديث,
الأولى تكلمه عن مستقبل الكيان, والنقطة الثانية أنه تكلم عن ما سيورثة للأجيال
القادمة من بعده, وكأنهم "سيكونوا موجودين فى المستقبل القريب" ليشاطروا
المنطقة فيه!!!
ما علينا خليه يهرتل, ويريل, ويحلم!!!
ولكن اللى حصل إن المنطقة كلها أنبرت فى
الرد عليه!!!
ولذلك, فأنا أريد أن أنوه وألفت نظركم
أجمعين, لما إن كل كلامه أهيف من إن تضيع وقتك فى الرد عليه!!!
طب, أنا ليه برد عليه دلوقتى؟ مادم كلامه
هايف!!!
ببساطة وبصراحة, أصل أنا "كعادتى
دائماً" مش جاى لى نوم "أصل أنا من الناس اللى بتنام بصعوبة شديدة",
مع أنى واخد مسكن, فقلت مادمت كدة كدة مش نايم, ما أنا أتسلى عليه, وأنقل له قله
النوم!!!
طيب نبدأ,,,,,,,,,,,,,,,,,
أول حاجة أبو حفاظات, اللى حلمه من النيل
للفرات, فيه شوية مقاتلين بأسلحة بدائية وشباشب, مخلينه مش عارف ينام, لا هوه ولا
جيشه, وراعبينهم ليل ونهار "لدرجة إن إستهلاكهم زاد من الحفاظات", وبالرغم
أيضاً من إن تعدادهم مقارنة مع جيش الدفاع نسبته "1 إلى 20", ورأفة بجيش
الدفاع "مش هنحط الفرق فى التسليح فى الموضوع"!!!
ولولا إن الدول المحيطة بتساعد
"الكيان", وبتأكله وتشربه, وبتجيب له السلاح والحفاظات, وبتحاصر وتمنع
"الأكل والشرب والسلاح" عن مقاتاين أرض العزة, لكانوا رموهم فى البحر
"من زمن"!!!
وأفكرك, بحرب 48 عندما قاتلت كتائبكم, وكان
تعدادها "أكثر من 200000" مقاتل, وكان تجمع الجيوش العربية
"60000" مقاتل, ومع ذلك كانت الجيوش العربية منتصرة على الأرض فى الجولة
الأولى, وعلى وشك القضاء عليكم!!!
لكن بالخيانة عملوا هدنة شهر, وأعطوا الحلفاء
للكيان معظم الأرض, ونهايتها بالخيانة أنتصرتم فى الجولة الثانية فقائد الجيوش كان
بريطانى!!!
المهم أننا لو نذكر كل الأحداث وتفاصيل
الخيانة فده محتاج كتب, ولكن "ما لا يدرك كله لا يترك كله"!!!
أنا هسرد فقط حادثة واحدة فى كل الحكاية
تبين لكم اللى حصل واللى هيحصل, وهتخلى "النتن مش يعرف ينام"!!!
كان فيه فصيل صغير جداً من المدنيين المتطوعين
المصريين من عدة آلاف "حارب فى 48", "وحامل شوية أسلحة بدائية, ومتدرب عليها تدريب
سريع", ولكنه قاتل بصدق ووصل لأبواب القدس "بسهولة", ولكن مع
الخيانة والهدنة أعادوه للخلف!!!
يعنى ولو سمح لأهل الكنانة بالقتال اليوم,
فسيكون هناك متطوعين غضبى بالملايين.
تفتكر أنك هتعرف تصدهم؟!!!
فى النهاية, وقبل ما أختم, "كلمة
لجوجل", فقد حظروا وحذفوا لى مقالة فى نفس السياق من ستة أيام, وأنا بمقالتى
هذه عارف أنى بأعرض مدونتى للخطر, ولكنى بأدافع عن بلدى اللى ذكرها النتن بالسوء,
وأنا ما أقدرش أسكت على الظلم أبداً, فإن أردتوا ذلك فليكن, ولكنى لا أستطيع أن أحنى
رأسى, فأنا أفضل دائماً الموت مرفوع الرأس!!!
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Hamedalalinew/status/1949501449903153209
https://x.com/athmane_dza/status/1949591264602501367
بقلم
هتموت من الشمس
المشاركات
ليست هناك تعليقات:
إرسال تعليق