هذا يبدو رائع!!!
https://x.com/TalatWbas/status/1949268602776871049
https://x.com/Hamedalalinew/status/1949501449903153209
https://x.com/athmane_dza/status/1949591264602501367
هذا يبدو رائع!!!
أنت ليه بتقول كدة؟!!!
عشان النتن يبدو أنه مثل القطار تماماً "يسير على قضبان",
وبالتالى يسهل "توقعه", يعنى تقدر "تحدد مسارة, وإتجاهه, وسرعته"!!!
يعنى بالبلدى تقدر تتبع خطاه, وتتوقع ردود أفعاله, عموماً لا يوجد
أفضل من عدو "واضح", وحتى لما بيتلائم, بيتلائم لؤم الفلاحين!!!
يعنى بيبقى برضة "مكشوف"!!!
وسلوكه فى السلم والحرب "مكشوف", وحتى فى اللؤم والغدر
كذلك!!!
يعنى منذ 7 أكتوبر 23 وكل تصرفاته ممكن تتوقعها "بسهولة", وكأنك
تقرأ فى كتاب مفتوح, حتى إن المحللين السياسيين زهقوا من تحليل أنماط سلوكة الأجرامى,
وتصرفاته المتكررة, وتلاقيهم كل يوم بيعيدوا ويزيدوا فى المحكى, وكأنهم بيسمعونا
"أسطوانه مشروخه", يعنى اللى هتبات فيه, هتصبح فيه, وكأن كل تصرفاتة
"دى جى فو"!!!
بصراحة دى حاجة أصبحت شديدة الملل, أفففففففففففف, ما تغيروا بقى,
عاملين زى العيال!!!
عايزين صفقة "جزئية"!!!
بتوع الحمص: موافقين.
النتن: طب, خلوها "كلية"!!!
بتوع الحمص: برضة موافقين.
النتن: طب معلش, ما نرجع بقى للى أتفقنا عليه الأول وتخلوها "جزئية"!!!
بتوع الحمص: فيه بالشعرية "أغرفلك"؟!!!
النتن: مش عايزين "نهرج"!!!
بتوع الحمص: ما أنت يا خواجة "اللى جاى تهرج"!!!
النتن: طب خلوها "خمص, وورد زيادة"!!!
يعنى فى النهاية, دى مفاوضات من أجل المفاوضات والتهريج وأضاعة
الوقت!!!
يعنى "شغل عيال", وحاجة من أجل الشكل العام والأستهلاك
المحلى "فقط"!!!
أقول لك حاجة أصدمك بها, "تتصور إن بتوع الحمص" ممكن
يحاربوا بالشكل ده لعدة سنوات, "لأن عندهم طرق إحلال جيدة, وبيجددوا
المقاتلين بإستمرار, وبيدخلوا دماء جديدة فتية وقوية", بس جيش الدفاع بقى هوه
اللى جاب جاز, ولو ما أخدوش هدنة, فهينهاروا "خلال شهور"!!!
ولكن "النتن" لا يهتم بأحد ومستعد أنه يقاتل إلى أن يحول
كل شعبة ليستقر ويرص فى توابيت "تحت الأرض"!!!
طب, وأنت ليه مستاء كدة؟!!!
المشكلة إن جيش الدفاع "اللى ما بيعرفش يقاتل الرجال", مش
قادر "على بتوع الحمص", فبيروح ينتقم "بقتل النساء والأطفال",
وده شىء سيىء!!!
عموماً, ستكتشفوا بعد أنتهاء الحرب, بأنه لو كان أستمر فيها
"كما يريد" لحول كل شعبه لقتلى وضحايا حرب!!!
فى النهاية, كدة, كدة, الوقت مش فى صالحهم, خليهم مستمرين فى خيبة
تخطيطهم. غارقين فى مستنقع فشلهم, إلى أن يأتى من يعطيهم من سوء أعمالهم "بلح
أو من المنقى خيار"!!!
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Hamedalalinew/status/1949501449903153209
https://x.com/athmane_dza/status/1949591264602501367
بقلم
هتموت من الشمس
المشاركات
ليست هناك تعليقات:
إرسال تعليق