الأغبياء. هوه ده مكانهم!!!
عمتم مساءاً.
أية الحكاية؟!!!
يمر الزمان. أيام وراء أيام, والناس تتقلب
بين الجهل والغباء, وتساق إلى مصيرها, وسيأتى يوم بعد أن تنهار, أو تتكسر, أو
تنصهر قوقعتك, فتفاجىء بوجودك فى قاع جهنم, فى قعر وادى ضخم, كتبت عليه يافطة كبيرة,
"مخصص للأغبياء"!!!
وأنت لا تفهم شىء!!!! وعندما تسأل؟!!!
فسيخبروك:
"الأغبياء". هوه ده مكانهم.
لم تفهم؟
تتسائل؟
فيخبروك. هذا مؤكد. "الأغبياء". هذا
هو مكانهم المؤبد.
,,,,,,,,,,,,,,,,,,,,
بدأت القصة بوليد الذى كان يعيش فى قرية
صغيرة على الجبل فى مكان ما, وأثناء هبوطه من الجبل فى يوم ما حدث له حادث أليم
أدى لإنهاء حياتة.
أية, فجأة كدة مات؟!!!
أه, تخيل, للأسف.
يعنى بادىء القصة "بفاجعه"؟ أية
التراجدى ده اللى أنت حتطتنا فيه؟!!!
أه, عشان تجهز نفسك لسخونه الأحداث, فالقادم
فى القصة لا يوجد أسخن ولا أفجع منه.
ليه؟
ركز معايا شوية, وأنا هنتقل بك لحته ثانية.
هنروح فين؟!!!
سيبك من الجنازة واللى حصل فيها, واللى حصل
فى الدفن, وعالم البرزخ, وهقفز بك مباشرة, والعياذ بالله لجهنم, فقد أفاق وليد
ليجد نفسه فى قعر جهنم تحت يافطة كبيرة كتب عليها, "مخصص للأغبياء"!!!
هوه طبعاً لم يفهم لما هوه هنا.
ولا إحنا كمان!!! أنت هتشرح لنا, ولا
هتسيبنا كدة مش فاهمين, وتتركنا لتأكلنا التساؤلات؟؟؟؟؟؟؟؟؟؟؟؟؟؟
,,,,,,,,,,,,,,,,,,,
براحة, طيب, لنبدأ من الأول
"ثانى".
وليد ده شاب عادى, محب لأسرته, ومحب للحياة,
والناس, والمجتمع, مؤمن بربه وبيمارس كل ما يأمره به "عقلاء دينه".
يعنى لم أرى ما هو الخطأ الذى أرتكبه فى
حياتة ليلقى به فى النار؟!!!
لا, السؤال ده مسئول غلط.
ليه؟
هوه كل اللى حصل له فى حياتة خطأ منذ
البداية, ولذلك فهذه النهاية له, "هى منطقيه".
يعنى أية؟
يعنى. فى يوم ما فى حياتة كان واقف أمام
مفترق لعدة طرق, "المفروض أنها كلها تؤدى للجنة", وله أن يختار.
وأية اللى حصل؟
هوه أختار.
وأية النتيجة؟
اللى حصل فى بداية القصة؟
مفهمتش؟
هوه أختار طريق مكتوب عليه أنه بيؤدى للجنه,
لا وكمان تأكد بأن سأل كل أقاربه, واللى بيثق فيهم, وأبوه, وأمه, أصحابه, فأكدوا
له بأن هذا هو الطريق إلى الجنة, ولكنه فى أخر المطاف أنتهى به الطريق إلى جهنم, فأين
الخطأ؟ وعندها سئل: كيف سمح لهم بأن يخدعوه هكذا.
فى النهاية, رد على نفسه:
بأنه هو من خدع نفسه, لأن الله جل جلاله قد
ميزة بعقل راجح, وهو لم يستخدمه لأنه من الأغبياء, ولذلك أستحق ما هو فيه حالياً,
"نتيجة منطقيه" لمن لم يستخدم عقله.
أريد, أن أسئلك سؤال؟
تمام.
لما كل الطرق فى المفترق كان مكتوب عليها
أنها تؤدى إلى الجنة؟
لأن ده "أختبار", ولازم تعرف فين
الأجابة الصح, أمال ليه ربنا أعطى لك عقل؟ ولا أنت فاكر أنه أعطاه لك زيادة؟
طب, ليه الأختيارات زى بعض, ما يفرقوا ما بينهم؟
تحب أزيدك من الشعر بيت. لا ده أنت كمان ممكن
تحصل على "مرشد", بس ممكن يكون دوره "مضلل".
أنت بتقول: ليه الأختيارات زى بعض, ما
يفرقوا ما بينهم؟ مش فاهم. إنهم قالوا لك من البداية أنه "أختبار" ولازم
أختياراته هتكون متقاربه, ولكن فى الحقيقة إن "أختيار واحد فقط" منهم "هوه
اللى الصح".
هنعرفه أزاى؟
بالعقل اللى أعطاه لك ربك.
وإن رفضت أستعمله؟
هتكون من "الأغبياء", وأنت عارف
مكانهم فين؟
ممكن أسئل كمان سؤال؟
لا, كدة كفاية, أنصت, بص فى ورقتك, وكمل
إختبارك.
عمتم مساءاً.
تصبحوا على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
