القارة
العجوز!!!
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
القارة العجوز!!!
بتتكلم عن مين؟!!!
أوروبا.
ليه بتقول عليها عجوز؟!!!
لأن دى الحقيقة, عجز وضعف ومرض وأمراض شيخوخة
وأمراض مزمنه وضعف نظر ورؤية, وصعوبات سير, وقريب ستكون على كرسى متحرك.
دى تبقى ماتت بقى, أو على وشك الموت وبتعانى من
أمراض كبر السن!!!
أه, ونسيت أقول, وبتعانى حالياً من الخرف.
طيب, هوه أية اللى حصل وخلاك تقول كدة؟!!!
تتصور إن أوروبا اللى تنمرت قديماً على كل سكان
الكوكب, بشرقه وغربه وشمالة وجنوبه, بتعانى الآن من إن روسيا بتتنمر عليها وبتتحرش
بها, وشكتها لطوب الأرض!!!
ومن بعد ما كانت سايبه مؤخرتها ليحميها "كبيرهم
توتو", أكتشفت أنه طبق عليهم مبدأ "عيش ندل تموت مستور", وساب لهم
مؤخرتهم مكشوفه لغاية ما الدب نهشها, وبعد ما وجعتهم "فقرروا أخيراً يفكوا
المحفظة, ويصرفوا على دفاعتهم"!!!
بس بصراحة الدب جننهم "بأسطول الظل,
والدرونات (جربه)", "الطائرة الصغيرة اللعبة" المصنوعه من بلاستيك
وخشب, وعلى ما أعتقد لا تكلف روسيا أكثر من مائة دولار, وكلف أوروبا حتى الآن ملايين
اليوريات والدولارات, ورفعت لهم الضغط, وجابت لهم صداع وسكر.
سبحان الله, تخيل القارة اللى شبعت العالم كله
تنمر وقرصنة وإستعمار, وإستيطان, وإحتلال, ونهب ثروات, دلوقتى بتعانى من التنمر
عليها, والتحرش بها وتبحث عن من يحميها, حقيقى سبحانه مغير الأحوال, وزى ما
بيقولوا "الأيام دول"!!!
وتخيل
كمان, إن ألمانيا "النازية" بتدافع عن الكيان "الصهيونى",
زى ما بيقول المثل "إن اللى ماشية شمال لما بتكبر, بتعرض", يعنى لما
بتكبر ولم يعد أحد يرغب فيها "بتعرض" يعنى بتبيع أجساد اللى مازالوا
صغار ومطلوبين وتاخد عمولة, يعنى بتشتغل "قوادة" !!!
طيب همه بيدافعوا ليه عن الكيان؟!!!
عشان بيقولوا أنهم بيقوم بالأعمال القذرة بالنيابة
عنهم.
ومش مكسوفين وهمه بيقولوها؟!!!
لا,,,,,,,,,,,,,,,,,,,
طب, هى أية الأعمال القذرة اللى بيقوم بها
الكيان بالنيابة عنهم؟!!!
المعتاد منه عمله, قتل وسحل وقتل أطفال ونساء
ومدنيين, وتهجير وأبادة جماعية, يعنى بإختصار ومن الأخر هم حاطينه, "عشان
يكون شوكة فى ظهر العرب", ويخليهم ديماً مشغولين به, بعيد عن أوروبا.
بس دى طريقة حقيرة للدفاع عن النفس.
مستنى أية من ناس واطية!!!
عار عليهم, أمال "أية حكاية حقوق الإنسان,
وحقوق الحيوان,,,,,,,,,,,,,,إلخ.
دول اللى بيجملوا بهم الصورة, لما يلاقوا شكلهم
بقى وحش قوى, يطلعوا لك "الناس الحلوة والطيبة اللى عندهم", يحلوا بهم
الصورة, بصراحة "أوروبا" مش واحد, وأكثر من فى الشعوب "ناس
طيبين", أنا عارفهم كويس, وعشت مابينهم.
طيب, وأية بقى المشكلة؟!!!
المشكلة إن الناس الحلوة والطيبة دى مش هى اللى
بتحكم, عاملين كدة زى اللى عندنا, "شعوب طيبه, وحكومات شمال"!!!
بص, من الأخر, همه عندهم أكثر من وش بيتعاملوا
به مع البشر, لما يكون محتاجينهم, يبعتوا لهم بتوع حقوق الإنسان, ولما يكونوا مش
محتاجينهم, يديروا لهم وجوهم, أو يبعتوا لهم القتلة, أو اللى يقوم لهم بالمهام
القذرة مثل "الكيان".
طيب همه عايزين يعملوا أية فى المصيبة اللى همه
فيها؟!!!
قرروا يعملوا حائط درونات "دفاعى".
وتفتكر,ده هيحميهم؟!!!
لا, وفى الأخر هيخرب بيتهم.
وهمه, عارفين كدة؟!!!
أحتمال أه, وإحتمال لا, "يعنى ممكن يكونوا
مش حاسبينها كويس", ولكن هم محتاجين حاجة يحسنوا بها صورتهم أمام ناخبيهم.
يله, تصبح على خير.
,,,,,,,,,,,,,,,,,,,,,,,,,,,,,,
وهنا صمت هتموت عن الكلام.
,,,,,,,,,,,,,,,,,,,,,
https://x.com/TalatWbas/status/1949268602776871049
https://x.com/Meemmag/status/1963342485440155862
https://x.com/thaeralbannaa/status/1963320048811995321
بقلم
هتموت من الشمس
المشاركات
ليست هناك تعليقات:
إرسال تعليق