فى الغالب الأمور هتتصاعد!!!
https://hemms.blogspot.com
لو أنتم مصدقين توتو "ده شأنكم", بس بصراحه
أنا مش قادر أصدقه, وبأعتقد إن اللى بيعمله الآن هو عمليه تموية "أستكمالاً
لعملية التموية (والمسرحية) اللى عملها مع بى بى قبل بدء الحرب, "وقال أية: أصلهم
متخاصمين, وأصله زعلان من بى بى, وأنا قلت لكم بأنى مش مصدقهم, وحذرت منهما بوضوح
قبل الحرب ومحدش صدقنا"!!!
وأنا مش عارف هم ليه محدش بيصدقنا؟!!! ولا بيخدوا حتى
كلامنا بجدية؟!!! "هوه إحنا مكتوب على جبينا متصدقوناش"!!! مع إن الزمن
بيصدق كل كلمة قولناها!!!
وخلى بالكم, الآن الدعوة لإستئناف المفاوضات "هى
مجرد فخ لتثبيت إيران "قال يعنى أنهم مش بتوع حرب, وبيدعوا للسلام", حتى
تخف إيران من ضرباتها لبى بى, ويعملوا "غطاء مكشوف للتموية قبل الضربه
الكبرى"!!!
طبعاً بى بى من قبل الضرب, وهو يعلم إنه لن يستطيع
المس بالبرنامج النووى لإيران, ولكن غرضه الأساسى, "واللى أنتم مش واخدين
بالكم منه", هو أنه بيعمل تمهيد الطريق لتوتو لكى يدخل بالقاذفات الثقيلة
لضرب المنشآت النووية, "للقضاء على كامل حلمكم النووى"!!!
طب ليه بى
بى لم يقذف المنشآت النووية بنفسه؟!!!
ببساطة لأنه لا يملك هذه القدرة!!!
لأن قاذفاته لا تستطيع حمل القنابل الثقيله
اللازمه لضرب عمق الجبل!!!
وبالتالى الجولة الثانية ستكون بمشاركة فعليه
لتوتو بقاذفاته الثقيله والقنابل المخترقه الثقيله لعمق الجبل!!!
وعلى فكرة حلفاء بى بى الآن مشاركين بالمخابرات, وبحريتهم
بتقرب من ساحه المعركة, وكلهم هيتحولوا فى مرحله قريبه "إلى مشاركين فعليين"!!!
هم حالياً بيقربوا على إستحياء من ساحة المعركة
(كالثعالب), "فى إنتظار اللحظة المناسبة للتدخل"!!!
أنا ليه بأقول الكلام ده دلوقتى؟!!!
عشان ما تقولوش إن إحنا أتفاجئنا, "وأصل هم
كانوا عاملين أصحابنا وحبايبنا"!!!
"صديقك وحبيبك اللى هيشارك معك فعلياً بجانبك
فى الحرب", غير كدة ما تآمنش لحد!!!
لأن أول ما تقعوا هتلاقى الجميع طلع سكاكينة, ومشارك
فى الذبح!!!
ركزوا فى اللى هقوله لأنه مهم جداً:
الحرب دى خطيرة جداً, "وهتخلق نقطة أنقلاب فى
التاريخ"!!!
يعنى أية؟!!!
يعنى ما قبلها هيكون مختلف عن ما بعدها, ولو قضوا
على إيران وسيطروا عليها, هيخشوا بعدها ويسيطروا على الشرق الأوسط بالكامل!!!
ولو إنتهوا وسيطروا على الشرق الأوسط, هيكملوا ناحية
الشرق الأقصى زى ما سبق وحذرت!!!
طيب, الخطوره فى أية؟!!!
أنها "هتغير موازين القوى فى الشرق
الأوسط",حتى إنها فيها إحتمال للضرب بإسلحة نووية, "حتى وأن كانت
تكتكية"!!!
يعنى, "هم كدة كدة عازمين ومصرين على
إنهاء الحلم النووى الإيرانى وللأبد, (بأى صورة وبأى طريقة, ومهما كانت التكلفة)"!!!
نهايته, ما تستهونوش باللى بيحصل الآن!!!
وما تتفرجوش عليه, على أنه مسلى, "عشان
هتنتهى أبتسامتكم, عندما يجى دوركم, ويبدأوا فى إستهداف بلادكم"!!!
ربنا يستر, آمل أن أكون مخطىء, ويحدث عكس توقعاتى
السابقة "التى تحقق معظمها"!!!
واضح أنكم مازلتم نايمين وفاكررين إن إحنا بعيد!!!
على فكرة, الدور هيجى علينا قريباً, خدوا العبر
مما يحدث فى الحربين الدائرين حالياً, واحذروا من الأختراق, فهم قبل ما بيبدأوا بيعملوا
"مراكز وقواعد مختفيه" داخل الدول المستهدفه لتجميع الدرون "داخل
الدولة المستهدفه", ثم يستخدموها من الداخل فى الضرب الدقيق للأماكن الحساسة
والأغتيلات!!!
على فكرة, "الدرون اللى بيستخدم فى الأغتيالات والأستهداف الحالى (حجمه أكبر بقليل من كف اليد, ومداه بيصل إلى 10 كم, وحمولته 3.5 كجم, وشبه صامت لأنه بيعمل بالكهرباء, ودقيق جداً فى التوجية والأستهداف, لأن بيستخدموا كاميرا عليه متصله بجهاز أمام أعين الموجه)"!!!
"مخدتوش بالكم إن توتو منع
المصريين من السفر إلى بلاده (فى سياق منفصل)", تفتكروا أية السبب؟!!!
"هتموت يحيكم من قلب الأرض
المستهدفه"!!!
فَلَمَّا أَلْقَوْا قَالَ مُوسَىٰ مَا جِئْتُم
بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ
الْمُفْسِدِينَ – سورة يونس الآية (81).
وهنا سكت هتموت عن الكلام.
,,,,,,,,,,,,,,,,,,,,,
https://hemms.blogspot.com
https://x.com/iraninarabic_ir/status/1934046879295103435
https://x.com/drhossamsamy65/status/1934056566652649647
https://x.com/M0SC0W0/status/1933991758448509233
https://x.com/anesmansory/status/1933824361732923656
https://x.com/jacksonhinklle/status/1934000638159179986
https://x.com/M0SC0W0/status/1933868635870605703
https://x.com/drhossamsamy65/status/1933856761972432921
بقلم
هتموت من الشمس
المشاركات
ليست هناك تعليقات:
إرسال تعليق