مليونير
وبس!!!
https://www.facebook.com/reel/2916604808507920
مليونير
!!!!!! وبس؟!!!
مفيش
أي أشتراطات ثانية؟!!!
لا، طبعاً فيه!!!
أية؟!!!
وعربية
فارهه، وشاليه على البحر مباشرة في الساحل الشرير!!!
بس؟!!!
لا،
وفيلا في كمبوند جامد في التجمع من المتر فيه للسكنى فوق المتين ألف!!!
بس؟!!!
لا،
ويخت في ميناء خاص بفيلا في شاطئ خاص على البحر الأحمر!!!
بس؟!!!
لا،
وبريف جت!!!
بس؟!!!
ويكون
كريم ووسيم وأنيق وجنتل ومهندم كدة وابن حلال!!!
ولا أقول ممكن أتنازل عن أخر واحدة بس. لأن
اللى هيقدر يجيب كل اللى فات صعب يكون عنده الأخيرة لأن الله عادل!!!
بصراحة
أنا نسيت أقول لك إنك متواضعه وبترضى بقليله!!!
هوه
أية اللى حصل للفارس اللى على حصان أبيض؟!!! كلته العته ولا أية؟!!!
لا،
مات في الوباء اللى فات!!!
احزنتنى،
بس تعرفى أنتى غلطتى في الأمنية كان مفروض تقولى عايزه بليونير!!!
لأن
مليونير وبس حالياً في بلادنا معدتش تكفى، يعنى لازم تبقى "مليون وحتة"!!!
على
فكرة "مليونير" حالياً في بلادنا ما بقتش حكاية "واو" لأنها
بقت تعنى فقط "مستور" لا أكثر!!!
"ومستور"
زمان، كانت تعنى "من تعدى الفقر" إلى "الطبقة المتوسطة"!!!
"فالمليون"
حالياً في بلادنا قادر فقط على العبور بك من الطبقة الفقيرة إلى بداية الطبقة
المتوسطة!!!
يعنى
بالمليون في مصر مثلاً ممكن تعمل بيت صغير في مكان نائى بدون فرش وتقعد في الطل،
أو هو ثمن لشقة صغيرة في مكان شعبى بفرشها، يعنى لو هتتجوز فيها لازم تروح تدور
على وظيفة تشتغل فيها لتؤمن دخل لأسرتك، وأعمل حسابك لإنك مجبتش عربية. "بسبب
إن الفلوس مكفتش". يعنى هتركب المواصلات العامة التي هي تصنيفها "من سيئ
إلى سيئ جداً"!!!
أو تجيب عربية معقولة ومستعمله وبحالة جيدة، وتعيش
في شقة إيجار جديد وللأسف تبقى محظوظ لو وجدت وظيفة دخلها يغطى مصاريفك!!!
وتبقى
أنت كدة أخر دلع!!!
على
فكرة يمكن ده كان طموح الأناث منذ ربع قرن مضى ولكنه مضى وأنقرض مع الزمن!!!
https://www.facebook.com/reel/2916604808507920
بقلم
هتموت من الشمس
المشاركات
ليست هناك تعليقات:
إرسال تعليق