تحليل فيديو يحي السنوار في أنفاق غزة
قبل عام واحد
السبت، 31 مايو 2025
كحول منه فيه!!!
https://hemms.blogspot.com
الغريب إنك ممكن تكون سايق باليل هادى وماشى لوحدك
فى شوارع عريضة مثلاً لا تقل عن 5 حارات
وماشى فى حالك والدنيا كلها فاضية حواليك, وتيجى
تعدى مطب صغير وتدوس فرامل خفيفه تهدى, وهوب تلاقى واحد لبس فى شنطتك, وطبقها خالص,,,
وللعجب يعنى إن فيه أربعة حارات ثانية فاضيين سابهم وماشى وراك, ولم يكلف نفسه حتى
بالدوس على الفرامل!!!
وكحول لدرجة إنه مش عارف يستخدم لا الفرامل ولا الدركسيون
عشان يغير الحارة ولا حتى يبطىء!!!
ولا تكون ماشى فى شارع هادى لوحدك, وواحد سايب كل
الحارات الفاضية وماشى وراك, وبيستعجلك ولو هديت شوية يزمر لك, فى النهاية بأضطر أقف,
وأركن له على جنب, وأسيب له الطريق كله, وأتركه وأترك له كل الخمسة حارات عشان يعدى براحته!!!
ولو حبيت تخش يمين ومدى أشارة وعامل حسابك لكل
حاجة, وتلاقى واحد مصر يعدى من أمام بوزك عشان يمشى على طول ويلف حولك فى حركة
سريعه وخطرة ويقفل عليك الفتحة والمنحنى ويمنعك من الدخول لمسارك, وتضطر تغير
مسارك عشانه, ويبوظ عليك دنيتك, وكمان لما يعدى منك ينظر لك شذراً, ويتعجب من أفعالك
الغريبة!!!
ولا اللى ماشى وراك والزمارة لا زقه فى أيده,
تيت,,,,,,, تيت,,,,,,,, تيت,,,,,,,, بالرغم من إن الشارع كل حاراته فاضية, ومفيش
فيه غيرك وغيره!!! وحتى لما تتركه يعدى برضه مش سايب الزمارة!!!
يعنى ما تعرفش هوه بيستخدمها ليه؟!!!
بس الغريب إنى فى مرة كنت عند بتاع قطع الغيار
بأشترى حاجة ولقيت أثنين بتوع ميكروباص, واحد منهم عنده 9 ميكروباص والثانى بيشتغل
معاه, فلقيتها فرصة أسئلة عن حكاية الكلاكس معاهم, فرد على أنا ممكن أمشى بسيارة
مفيهاش فرامل, بس مش ممكن أمشى بسيارة مفيهاش كلاكس!!!
سبحان الله, ربنا يهدى, الله ما صبرنا على ما
بلانا!!!
,,,,,,,,,,,,,,,,,,,,,
https://hemms.blogspot.com
بقلم
هتموت من الشمس
الجمعة، 30 مايو 2025
الخميس، 29 مايو 2025
توتو بيتلائم!!!
https://hemms.blogspot.com
تتصوروا إن توتو بيتلائم!!!
طب ليه؟!!!
عشان عايز يثبت إيران, وفى نفس الوقت لما بى بى يروح
يضربها. يقول أنا ماليش دعوة, ويبقى هوه بكدة أصاب عدة عصافير بحجر واحد:
·
أول حاجة حجم إيران بإتفاق نووى يصعب حركتها.
·
خلى بى بى يضربها كما يريد.
·
حمى مصالحه وأساطيله وقواعده فى الخليج, وشبه
جزيرة العرب, من الهجوم المضاد لإيران.
·
خرج وهو صديق للجميع فى نفس الوقت, بالرغم من إنه
سيدافع عن بى بى, مما يتيح له حرية الحركة فى كل الإتجاهات.
طبعاً خطة جهنمية وعبقرية, بس فيها شوية مشاكل.
إن بى بى لا يوجد له حدود ملاصقه لإيران, مما يجعل
الإغاره الجويه صعب أن يعملها بمفرده, ولذلك يجب أن يورط دول أخرى معه بحيث تفتح
له مجالها الجوى, هذا بالإضافة لأنه سيحتاج أيضاً لمساعدة ومساندة توتو بطائرات
تموينه فى الجو!!!
عموماً بكرة البعيد يقرب!!!
بالطبع لو حصل ده هيدافع عنه توتو عندما يبدأ الرد
الإيرانى, وكمان هذا يمكن تبريره لإيران, لأنه ملتزم بالدفاع عن بى بى وهذا خارج إتفاقه
النووى مع إيران!!!
,,,,,,,,,,,,,,,,,,,,,,,,,,,,,,,,,,,,
على فكرة, تعرف إن حكومتهم ما بتعرفش تكذب!!!
طب ليه؟!!!
عشان كلها أنبياء ورسل, وعشان قايمة نايمة على
السجادة, وعشان كمان الحكومات الكذابه والوحشة دى إحنا ملناش دعوه بها, ويحرم
علينا أجتماعها!!!
طب هى فين؟!!!
حداهم, فى ريحهم كدة, هناك فى البلاد البعيدة, ما
بين القطب وأخوة!!!
,,,,,,,,,,,,,,,,,,,,,
https://hemms.blogspot.com
بقلم
هتموت من الشمس
الأربعاء، 28 مايو 2025
من فرط الإنسانية 2!!!
https://hemms.blogspot.com
النهاردة كان يوم غريب فى كل شىء, إبتدى بنموذج
فاشل لبى بى وتوتو لتوزيع المساعدات فى أرض العزة!!!
وإنتهى بأربعه من الشباب السورى المقيم فى مصر فى
محاولة للتلاعب بى لم أستسيغاها, وعلى فكرة دى ثانى مرة, وعموماً لم تنطلى على, ولكنى
لم أستطع بلعها, ولكنى أفتكرت أنهم ضيوف فى بلدنا وعديتها, وعلى فكرة هم أربعة
مواقف حصلت من السوريين المقيمين فى بلدنا فى الفترة الأخيرة معى, وأنا عديتهم على
أساس أنهم ضيوفنا,على فكرة فيه حدود لتقبل التجاوزات من المقيمين, فالتسامح له حدود!!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عموماً ده مش موضوعنا خلونا نرجع لأرض العزة.
لقد ظهر اليوم إن للكيان النتن "قلب كبير"
يقدر يحتوى كل المساعدات ويحولها لمسخرة!!!
طبعاً هم كانوا حاطين خطة لليوم هى فى الأساس
للتهجير والقبض على البعض من أرض العزة بإستخدام المساعدات, ولكن الله أفسدها عليهم!!!
وكان ذلك على أساس أنهم يختاروا مجموعات من القادمين
لأخذ المساعدات "الذين يصلحوا للتهجير, أو للسجن, أو للتصفية"!!!
مش عارف بس الناس دى عندها إنسانية مفرطة, وطافحة لدرجة
إنها مغرقة المكان!!!
,,,,,,,,,,,,,,,,,,,,,,,,,,,,,,,,,,,,,,,,
وكمان بى بى زعلان!!!
تخيلوا إن من بعد كل اللى قتله فى أرض العزة, يعنى
هوه حول أكثر من 60000 من النساء والأطفال والمدنيين الأبرياء إلى لأشلاء تدفن فى
الغالب مختلطة "رجال على نساء وأطفال" لصعوبة تفريقهم عن بعض, وأكثر منه
110000 من الجرحى والمشوهين والمقطعة أطرافهم, ده غير المفقودين, والبيوت المسروقه
والمهدمه, وجايين دلوقتى تشككوا فى إنسانيته!!!
لدرجة إنه من كثرة ما صعب على توتو أعطاه
المساعدات عشان يوزعها, تقول أية
"قمة الإنسانية"!!!
مش عارف أقول أية؟ بس لقد تفوق بى بى وتوتو على
أبليس ودركولا وفرنكشتين فى السيرة والأسلوب والإنجازات على الأرض!!!
فى النهاية, سيجبروك على تحمل رؤيتهم الضحلة
والمنحرفة للأمور, نموذجهم العقيم والمشوه للإنسانية, ولكن لا تنخدع, فغداً لناظره
قريب!!!
,,,,,,,,,,,,,,,,,,,,,,,,,,,,,,,
كفاية كدة اليوم.
خلص الكلام.
,,,,,,,,,,,,,,,,,,,,,
https://hemms.blogspot.com
بقلم
هتموت من الشمس
الثلاثاء، 27 مايو 2025
من فرط الإنسانية!!!
https://hemms.blogspot.com
على فكرة إن العنوان كان مفروض يكون من "فرط
الإستهبال والإستعباط"!!!
طبعاً أنتوا عارفين إن بى بى قلبه قلب خصاية, وأنه
ما بيحتملش على أهل القطاع الهوا, وأنه بيتمنى لهم الرضى عشان يرضوا!!!
طب, ليه المقدمة الغير مناسبه دى!!!
عشان تتخيلوا إنهم عايزين يدخلوا المساعدات للقطاع
من غير ما هوه ينهبها,,, أسف أقصد يوزعها بنفسه!!!
تتصوروا إن الراجل ما بيعرفش ينام من كثرة ما
بيفكر فيهم "من خوفه وهلعه"!!!
ده أنا أشهد أنه عايز يولع فيهم,,, آسف أقصد يولع
صوابعه العشرة لهم شمع "زى ما بيقولوا"!!!
ده كل يوم كان يقول أنا اللى لازم أسممهم بنفسى,,,
آسف أقصد أنه يأكلهم بـيده!!!
وفى الأخر تتهموه بقتلهم يا ظلمه!!!
ليه كده كسرتوا قلبه اللى مليان بالحب لنفسه!!!
ده هوه اللى كان عايز يجبر بخاطرهم, ويهجرهم!!!
وفى الأخر عايزين تدخلوا المساعدات بعيد عنه!!!
ليه كده!!! ملكمش حق!!!
وتشككوا كمان فى نيته, وهوه اللى كان عايزهم
ينعموا "خارج الدنيا"!!!
ده حتى هوه متشحتف عليهم, وقاعد يدور لهم على أى ملجىء
مناسب, "بس المهم يكون خارج القطاع, ولا حتى خارج الدنيا"!!!
وبعدين ما بيدخلوش ليه "سؤال مين اللى دمر
القطاع وقتل النساء والأطفال؟", فى أى حديث, وكل حديثهم عن التدمير "فقط
مبنى للمجهول", وكأن فيه ناس هبططت من السماء هى اللى عملت كل ده!!!
طيب سيبنا من بى بى وسيرتة اللى زى أسمه!!!
وخلينا فى اللى بيحصل حالياً وراء الأبواب
المغلقة!!!
تتصوروا إن القيادة السياسية الخارجية الحالية
لحركة الحمص, ضعيفه وخائفة من الإغتيال, ولذلك أبدت مرونه غريبة فى التفاوض
والأتفاق مؤخراً, مما جعلهم يحصلوا منها على الأسير الأمريكى بلا مقابل, كما إن
توتو ورجالته بيحاولوا يستغلوا الموقف عشان يحصلوا بالضغط عليها على "اتفاق تاريخى
بطعم النصر"!!!
يعنى اللى معرفوش يحصولوا عليه منهم فى أكثر من 20
شهر من القتال, "يريدوا ياخدوه بالتفاوض بلا قتال"!!!
وذلك, على سبيل الأستهبال والأستعباط!!!
ربنا يسترها علينا وعلى بلادنا!!!
,,,,,,,,,,,,,,,,,,
https://hemms.blogspot.com
بقلم
هتموت من الشمس
الاثنين، 26 مايو 2025
الحلقة
الثامنة
https://hemms.blogspot.com
كل
سنة وأنتم طيبين.
العشرة
الأوائل من ذى الحجة على وشك البدء, حاولوا تكثفوا من اليوم فى عمل الخير, وما
تنسوش الفدى "طبعاً لمن يستطيع", يله ربنا يوفق الجميع فى أدراك عرفة
والعيد, والله المستعان.
--------------------------------------
يله,
هات مشروبك المفضل وأجلس فى ريح الحاجة, وتعالى وسلم لى حواسك!!!
------------------------------
الحلقة
الثامنة
البداية
نهار داخلى "ظلام دامس"!!!
أية
الحكاية؟!!! ليه الظلام ده؟ هم ما دفعوش الكهرباء ولا أية؟!!!
أصل
توتو بيعرض فيلم شكله مخيف شويتين, فيه طريق طويل وعلى جوانبه صلبان!!!
وبعدين
ولع النور, أيه ده يظهر الكهرباء ما كانتش مقطوعة, "لا يا عم, دى بتقطع عندنا
بس"!!!
كل
الحكاية إن توتو كان بيعرض فيلم عن الأضطهاض العرقى من السود للبيض حالياً فى جنوب
أفريقيا!!!
معلش,
البداية رعب داخلى وفى الظلمة كمان, هى أية الحكاية؟!!!
أنتوا
يظهر نسيتوا, مش إحنا كنا عاملين من فترة مسلسل "توتو وزعماء العالم
الثالث", وتوقفنا بعد فترة عشان زعماء العالم الثالث بطلوا يروحوا هناك, عشان
ما يتحبسوش فى أوضة الفيران!!!
بس
يظهر إن رئيس جنوب أفريقيا "تشجع" وراح هناك, فاكر أنه هيكون وضعه
مختلف, بس يظهر برضه إن توتو وشوية صحفيين عملوا معاه "المعتاد"!!!
هوه
إحنا مش حذرنا كل زعماء العالم الثالث, بس يظهر البعض أخذ بالنصيحه, والبعض ما
أقتنعش!!!
عموماً
ده نصيبنا عشان ناكل عيش, "ما مصائب قوم, عند قوم فوائد"!!!
أهو
لينا نصيب نكتب لكم الحلقة دى.
برغم
من أن زعيم جنوب أفريقيا كان رايح مستعد, إلا إن المقابلة كانت فى مجملها سيئة.
بصراحة,
أنا مش عارف أزاى دولة عظمى بالحجم ده وأجهزتها الأمنية غير دقيقة بالشكل ده!!!
يعنى
الفديوهات والصور التى عرضت لم تكن دقيقة, ولم تكن متوافقه مع ما عرض من معلومات,
فالصور كانت من دولة أخرى, والفديو كان من حادثة مخالفة لما عرض من معلومات!!!
خليتوا
رقبتى قد السمسمه!!!
أمممممممممممممم,
أداء سيىء لا يليق بدولة عظمى!!!
ده
برضوا بيفكرنى بالمعلومات اللى عرضها "كولن باول" وزير الدفاع الأمريكى
قبل حرب العراق!!!
عموماً,
أتمنى إن تستعيد البلدين الثقة بينهم, أو أن يعطى رئيس جنوب أفريقيا طيارة
لتوتو!!!
وهنا
أحب أن أشكر جنوب افريقيا على موقفها الشجاع "عندما أقامت الدعوى فى محكمة
العدل الدولية من أجل أرض العزة"!!!
,,,,,,,,,,,,,,,,,,,,,,,,,,,,,,,,,
وقبل
أن أختم, أريد أن أتكلم عن الأقتحامات التى أبتدءت اليوم للمسجد الأقصى بمناسبة
"عيد القدس عندهم".
إحنا
عندنا المثل بيقول: "دبور زن على خراب عشه"!!!
إن
شاء الله تكون دى أخر أقتحمات يعملوها فى حياتهم المقبلة "القصيرة والمزرية"!!!
وغداً
لناظره قريب!!!
,,,,,,,,,,,,,,,,,,,,,,,,
https://hemms.blogspot.com
بقلم
هتموت من الشمس
الأحد، 25 مايو 2025
برافوا للصين!!!
https://hemms.blogspot.com
https://x.com/mog_china/status/1925456518108835911
برافوا للصين فقد فهمت الدرس جيداً, وقد بدأت
العمل بجدية فى الشرق الأوسط لحماية أمنها القومى, وذلك بكسب ود القوى المحلية
بعمليات إنسانية فى قلب العزة وقلب المسلمين.
لقد فهمت جيداً حدود أمنها القومى "أنها
تبتدىء من الشرق الأوسط", وعملت عليها.
وذلك بعكس الهند اللى فهمت غلط, ووقفت مغ الطرف
الغلط, فشاركت فى حروب الشرق الأوسط مع بى بى!!!
يمكن عملوا كدة عشان بيكرهوا المسلمين, و يمكن
عشان بيحبوا الفلوس!!!
بس ده غباء عشان تروح تحارب فى حرب خاسرة الدنيا
والأخرة, لأن لو كان بى بى بيدفع كويس, يعنى على الأقل " 4000 يورو فى
الأسبوع"!!!
يعنى هيفيدوك بأية لو مت؟ ولا لو رجعت منها مشوة, ومقطع
الأطراف!!!
معلشى, الغباء برضه له ناسه!!!
,,,,,,,,,,,,,,,,,,,,,,
https://hemms.blogspot.com
https://x.com/mog_china/status/1925456518108835911
بقلم
هتموت من الشمس
موسم ذبح الأضاحى!!!
https://hemms.blogspot.com
https://www.youtube.com/watch?v=0vTOguCvgKo
البقر ده بتاعنا, البقر ده بتاعهم, البقر ده بتاع الكل!!!
بمناسبة موسم حلب البقر اللى أبتدى وأنتهى بنجاح سريعاً,
وموسم ذبح الأضاحى "آكلى العشب" اللى على وشك يبدأ, إلا إنه يظهر إنه
هيمتد بعدها إلى موسم لذبح البقر اللى سبق وحلبوه!!!
طب ليه؟!!!
لإن بعد الحلبه الأخيرة يظهر أنهم أبتدوا يقعوا فى
بعض!!!
ولذلك هنشوف قريباً من يحمل ",,,,,,", ومن
يعمل مشاكل منهم فى المنطقة, وهو ما يعتبر مضاد للمنطق الشمال "المعمول به حالياً
فى المنطقة"!!!
طب أية اللى حصل؟ ليه كدة؟!!!
أصل يظهر الحلبه الأخيرة أنها وصلت لمناطق
حساسة!!!
يعنى أية؟!!!
يعنى حسب ما بتتكلم النبوءات عن ثلاثة أبناء
متخاصمين!!!
أية الحكاية؟!!! ما فهمتش!!!
بكرة تفهمك الأحداث!!!
,,,,,,,,,,,,,,,,,,,,,,
https://hemms.blogspot.com
بقلم
هتموت من الشمس
توتو وشوشو وبى بى ثلاثى شمال المسرح!!!
https://hemms.blogspot.com
مسرح أية اللى بتتكلم عليه يا عم الحج؟!!!
مسرح العمل السياسى!!!
أية الحكاية؟!!!
بصراحة أنا كنت فاكر إن الوضع صعب والسياسة متأزمة
بين توتو وبى بى, بالرغم من إنى كنت فاكر إنهم مشتركين فى اندر واحد, يعنى مشاركين
فى الليه والآليه, وإن المسافة بينهم تعتبر صفر!!!
إلا إنهم أدهشونا أخيراً بإضافة شوشو فى منتصف
المسافة ما بينهم!!! ليصبحوا توتو وشوشو وبى بى ثلاثى شمال المسرح, عايشين معاً فى
أندر واحد مع إنى كنت فاكر إن المسافة دى "تيت, وكريتيك, ونو فوتو, ونو
تاتش", إلا أنهم تبنوه "كمنفذ شمال " للعمليات الجارية!!!
بس هتقول لى إن الموضوع ضيق جداً, والمسافة بينهم
تقريباً معدومه حيث تجرى فيها كل العمليات الشمال!!!
تقول لى, باركوا له!!!
الله ",,,," بيت أبوه!!!
طب, أدعوا له!!!
الله ",,," بيت أبوه!!!
يظهر أنك ما بتفهمش فى السياسة؟!!!
أقول لك, سيبنا لك السياسة الشمال, بس على الله
تفلح بيها!!!
,,,,,,,,,,,,,,,,,,,,,,
https://hemms.blogspot.com
بقلم
هتموت من الشمس
الاشتراك في:
الرسائل (Atom)
المشاركات
